Megastar Chiranjeevi : హైదరాబాద్ లో ‘భోళా శంకర్’ సాంగ్ షూటింగ్

Bholaa Shankar: మెగాస్టార్ చిరంజీవి మెగా మాసివ్ యాక్షన్ ఎంటర్‌టైనర్ ‘భోళా శంకర్’. ఈ సినిమా షూటింగ్ శరవేగంగా జరుగుతోంది. స్టైలిష్ మేకర్ మెహర్ రమేష్ దర్శకత్వం వహిస్తున్న ఈ చిత్రాన్ని రామబ్రహ్మం సుంకర అత్యంత ప్రతిష్టాత్మకంగా నిర్మిస్తున్నారు. ఈ సినిమా తాజా షెడ్యూల్ ఈ రోజు ప్రారంభమైంది. హైదరాబాద్‌లో కోల్‌కతా బ్యాక్‌డ్రాప్ సెట్‌లో చిరంజీవితో పాటు 200 మంది డ్యాన్సర్లు పాల్గొంటున్న ఓ సాంగ్ షూట్ జరుగుతోంది. ఈ పాటను భారీ స్థాయిలో చిత్రీకరిస్తున్నారు. ఈ పాటకు శేఖర్ మాస్టర్ కొరియోగ్రఫీ చేస్తుండగా, మహతి స్వర సాగర్ సంగీతం అందిస్తున్నారు. చిరంజీవి చెల్లెలుగా నటిస్తున్న కీర్తి సురేష్ కూడా ఈ షెడ్యూల్‌లో జాయిన్ అయ్యారు. చిరంజీవిని మాస్ క్యారెక్టర్ లో ప్రెజెంట్ చేస్తున్న ఈ మూవీలో డాజ్లింగ్ బ్యూటీ తమన్నా హీరోయిన్ గా నటిస్తోంది.

క్రియేటివ్ కమర్షియల్స్‌తో కలిసి అనిల్ సుంకర ఎకె ఎంటర్‌టైన్‌మెంట్స్ ఈ చిత్రాన్ని నిర్మిస్తోంది. దీనికి డడ్లీ డీవోపీగా పని చేస్తున్నారు. సత్యానంద్ కథ పర్యవేక్షణ చేయగా తిరుపతి మామిడాల డైలాగ్స్ అందిస్తున్నారు. మార్తాండ్ కె వెంకటేష్ ఎడిటర్ గా, ఎఎస్ ప్రకాష్ ప్రొడక్షన్ డిజైనర్ గా ఉన్నారు. ఈ చిత్రానికి కిషోర్ గరికిపాటి ఎగ్జిక్యూటివ్ ప్రొడ్యూసర్. ఇందులో ఇతర ప్రధాన పాత్రలను రఘుబాబు, రావు రమేష్, మురళీ శర్మ, రవిశంకర్, ‘వెన్నెల’ కిషోర్, తులసి, ప్రగతి, శ్రీముఖి, బిత్తిరి సత్తి, సత్య, గెటప్ శ్రీను, రష్మీ గౌతమ్, ఉత్తేజ్, ప్రభాస్ శీను తదితరులు పోషిస్తున్నారు.