బాలు, అప్స‌ర హీరో , హీరోయిన్లుగా స‌త్య ద‌ర్శ‌క‌త్వంలో రామ్‌ప్ర‌సాద్ రెడ్డి వ‌ట్ర‌పు నిర్మిస్తోన్న చిత్రం ‘భానుమ‌తి రెడ్డి’. గ్రామీణ నేప‌థ్యంలో తెర‌కెక్కుతోన్న ప్రేమ‌క‌థా చిత్ర‌మిది. ప్రస్తుతం సినిమా చిత్రీక‌ర‌ణ తుది ద‌శ‌కు చేరుకుంది. ఈ సినిమా ఫ‌స్ట్ లుక్‌ను రాజ‌మండ్రి పార్ల‌మెంట్ స‌భ్యుడు ఎం. భరత్ రామ్ విడుదల చేసి సినిమా పెద్ద స‌క్సెస్ కావాల‌ని, నటీనటులు, టెక్నీషియ‌న్స్‌కు మంచి పేరు రావాల‌ని అభినంద‌న‌లు తెలిపారు. ఈ సంద‌ర్భంగా ద‌ర్శ‌కుడు స‌త్య మాట్లాడుతూ ‘‘రాజ‌మండ్రి ఎం.పి. భరత్ రామ్ గారు మా సినిమా ఫ‌స్ట్ లుక్‌ను విడుదల చేయడం ఆనందంగా ఉంది. ఆయ‌నకు స్పెష‌ల్ థాంక్స్‌.
Read Also : వివాదాస్పదమైన కమెడియన్ ‘బూతు’ ట్వీట్
సినిమా విషయానికి వస్తే… ‘భానుమ‌తి రెడ్డి’ గ్రామీణ నేప‌థ్యంలో రూపొందుతోన్న ల‌వ్‌స్టోరీ. ప్రేమ‌క‌థలో ఉండాల్సిన సెన్సిబుల్ అంశాల‌తో పాటు రా ఎలిమెంట్స్ కూడా ప్రేక్ష‌కుల‌ను మెప్పించేలా రూపొందిస్తున్నాం. నిర్మాత రామ్ ప్రసాద్ రెడ్డి గారు పూర్తి స్వేచ్ఛ నిచ్చారు. సినిమా బాగా వస్తోంది’’ అన్నారు. నిర్మాత రామ్ ప్రసాద్ రెడ్డి వ‌ట్ర‌పు మాట్లాడుతూ ‘‘నటీనటులు, సాంకేతిక నిపుణుల సపోర్ట్ తో సినిమా షూటింగ్ ఫైన‌ల్ స్టేజ్‌కు చేరుకుంది. త్వ‌ర‌లోనే సినిమాకు సంబంధించిన మ‌రిన్ని అప్‌డేట్స్‌ను ప్రేక్ష‌కుల ముందుకు తీసుకొస్తాం’’ అని చెప్పారు.
