Allu Arjun: బన్నీని అభినందించిన బండారు దత్తాత్రేయ..

Allu Arjun: ఐకాన్ స్టార్ అల్లు అర్జున్ పేరు .. దేశమంతటా మారుమ్రోగిపోతుంది. నేషనల్ అవార్డ్ అందుకోని టాలీవుడ్ సత్తాను చూపించాడు. ఇక పుష్ప సినిమాకు గాను ఉత్తమ నటుడు విభాగంలో ఈ అవార్డును గెలుచుకున్నాడు. ఇక ఈ అవార్డ్ రావడంతో బన్నీ అభిమానులతో పాటు దేశం మొత్తం మీద ఉన్న సినీ అభిమానులు ఆయనకు శుభాకాంక్షలు తెలుపుతున్నారు. ఇక అవార్డు వచ్చిన వెంటనే.. బన్నీ ఇండస్ట్రీ మొత్తానికి పార్టీ ఇచ్చిన విషయం తెల్సిందే. ఇక సినీ, రాజకీయ ప్రముఖులు సైతం బన్నీని సత్కరించి శుభాకాంక్షలు తెలుపుతున్నారు. ఇప్పటికే చిరంజీవి.. బన్నీని శాలువా తో సత్కరించి.. శుభాకాంక్షలు తెలిపిన విషయం తెల్సిందే. తాజాగా హర్యానా రాష్ట్ర గవర్నర్‌ బండారు దత్తాత్రేయ.. బన్నీని సత్కరించి శుభాకాంక్షలు తెలిపారు. నేడు.. హైదరాబాద్ వచ్చిన దత్తాత్రేయ.. నేరుగా బన్నీ ఇంటికి వెళ్లి కలిశారు. నేషనల్ అవార్డ్ విన్నర్ గా నిలిచినందుకు బన్నీకి శాలువా కప్పి సత్కరించారు. అనంతరం ఇద్దరు కొద్దిసేపు ముచ్చటించుకున్నారు. ఇక ఇదే విషయాన్నీ బండారు దత్తాత్రేయ సోషల్ మీడియా ద్వారా తెలిపారు.

Pushpa The Rule : ఈ సారి సినిమాలో మరిన్ని యాక్షన్ ఎలిమెంట్స్ యాడ్ చేయబోతున్న సుకుమార్..?

” ప్రముఖ సినీ నటుడు అల్లు అర్జున్ గారితో ఆహ్లదకరమైన సమావేశం బాగా జరిగింది. హైదరాబాద్‌లోని తన నివాసంలో. ప్రతిష్టాత్మక జాతీయ ఉత్తమ నటుడి అవార్డును సాధించినందుకు అభినందనలు తెలపడం జరిగింది. ఆయన భవిష్యత్తుకు బెస్ట్ విషెస్ తెలుపుతున్నాను” అని తెలిపారు. ఇక ఈ ట్వీట్ కు స్పందించిన బన్నీ.. ” ధన్యవాదాలు బండారు దత్తాత్రేయ గారు.. మీరు పర్సనల్ గా ఇంటికి వచ్చి నాకు శుభాకాంక్షలు తెలపడం నాకు చాలా ఆనందంగా ఉంది” అని తెలిపాడు. ప్రస్తుతం ఈ ఫోటోలు నెట్టింట వైరల్ గా మారింది.

Had a pleasant meeting with prominent film personality Shri @alluarjun Garu in Hyderabad at his residence today. Congratulated him on achieving the prestigious National Best Actor Award. Best wishes for the future. pic.twitter.com/mxsMBDAO5h

— Bandaru Dattatreya (@Dattatreya) August 28, 2023