Anger Tales: వెంకటేష్ మహా, సుహాస్, రవీంద్ర విజయ్, బిందు మాధవి, ఫణి ఆచార్య, తరుణ్ భాస్కర్, మడోన్నా సెబాస్టియన్ ప్రధాన పాత్రల్లో నటించిన వెబ్ సిరీస్ ‘యాంగర్ టేల్స్’. నాలుగు కథల ఆంథాలజీగా ఈ సిరీస్ ను రూపొందించారు దర్శకుడు ప్రభల తిలక్. శ్రీధర్ రెడ్డి, సుహాస్ ఈ సీరీస్ ను నిర్మించారు. ఈ ‘యాంగర్ టేల్స్’ త్వరలో డిస్నీ హాట్ స్టార్ లో స్ట్రీమింగ్ కు సిద్ధమవుతోంది. తాజాగా ఈ వెబ్ సిరీస్ టీజర్ విడుదల చేశారు.
ఇందులో రంగ, పూజ, రాధ, గిరి పాత్రలను పరిచయం చేశారు. ఇతర ప్రధాన పాత్రధారులంతా ఇంట్రెస్టింగ్ క్యారెక్టర్స్ లో కనిపించారు. ఈ నాలుగు కథల్లో వారు ఎలాంటి క్యారెక్టర్స్ ప్లే చేయబోతున్నారనేది త్వరలో తెలియనుంది. ఈ వెబ్ సిరీస్ కు కార్తికేయ కరెడ్ల, ప్రభల తిలక్ రచన చేయగా, అమర్ దీప్, వినోద్ క బంగారి, వెంకట్ ఆర్ శాఖమూరి, ఏజే ఆరోన్ సినిమాటోగ్రఫీ అందించారు. స్మరణ్ శ్రీ సంగీతం సమకూర్చారు. దీనికి కో-ప్రొడ్యూసర్ కృష్ణమ్ గడాసు. ఎగ్జిక్యూటివ్ ప్రొడ్యూసర్ కార్తికేయ కరెడ్ల.
