ఇకపై ‘తగ్గేదే లే’… నెక్స్ట్ లెవెల్ ఏంటో చూపిస్తా… : అనసూయ

స్టార్ అల్లు అర్జున్, రష్మిక మందన్న జంటగా సుకుమార్ దర్శకత్వంలో రూపొందుతున్న భారీ యాక్షన్ ఎంటర్ టైనర్ ‘పుష్ప’ సినిమా విడుదలకు సిద్ధం అవుతోంది. తాజాగా ఈ సినిమా ప్రీ రిలీజ్ ను హైదరాబాద్లోని యూసుఫ్ గూడా పరేడ్ గ్రౌండ్లో నిర్వహించారు. అక్కడికి భారీ ఎత్తున బన్నీ అభిమానులు రాగా, రాజమౌళి, బుచ్చిబాబు, వెంకీ కుడుముల, మారుతి డైరెక్టర్ విచ్చేశారు.

ఈ సందర్భంగా సినిమాలో కీలక పాత్ర పోషించిన అసూయ మాట్లాడుతూ అల్లు అర్జున్ కు చిత్ర బృందానికి ధన్యవాదాలు తెలియజేసింది. “మామూలుగా అమ్మానాన్నలను దేవుళ్లను కోరికలు కోరుతూ ఉంటాము. నేను అలాగే ఒకరోజు స్టేజ్ మీదకు వచ్చి నటించాలని కోరుకున్నాను. వారం రోజుల్లోనే ఫోనొచ్చింది. ఇలాగే కంటిన్యూ అవుతుంది అంటే నేను చాలా అడగాలి. సుకుమార్ సార్ కు కూడా రుణపడి ఉంటాను. అసలు అవకాశం వస్తుంది అని ఊహించలేదు… అంటూ చిత్ర బృందానికి కృతజ్ఞతలు తెలియజేసింది. అంతేకాకుండా త్వరలోనే తనను, సునీల్ ను కలిసి చాలా సినిమాల్లో చూడాల్సి ఉంటుంది అంటూ హింట్ ఇచ్చింది. బుల్లితెరపై ఎలాగు గ్లామర్ చూస్తున్నారుగా… వెండితెరపై నెక్స్ట్ లెవెల్ ఏంటో చూపిస్తా ఇకపై ‘తగ్గేదే లే’ అంటూ పంచ్ కూడా వేసింది.