‘గని’ పాటకు అల్లు అయాన్ అడుగులు

వరుణ్ తేజ్ నటించిన ‘గని’ విడుదలకు సిద్ధం అవుతోంది. బాక్సింగ్ డ్రామాగా తెరకెక్కుతున్న ఈ సినిమా ద్వారా కిరణ్ కొర్రపాటి దర్శకుడిగా పరిచయం అవుతున్నాడు. ఇటీవల ఈ చిత్రం నుండి ‘గని’ గీతం విడుదల విడుదలై చక్కటి స్పందన తెచ్చుకుంది. ఇదిలా ఉంటే ఐకాన్ స్టార్ అల్లు అర్జున్ తనయుడు అయాన్ ఈ గీతాన్ని రీ క్రియేట్ చేశాడు. యూనిట్ విడుదల చేసిన ప్రచార చిత్రం వీడియోలో అల్లు అయాన్ వరుణ్ తేజ్ వర్కౌట్ వీడియోను రీక్రియేట్ చేయటం విశేషం. గని పాట నేపథ్యంలో అయాన్ విభిన్నమైన వర్కవుట్‌లు చేసిన వీడియోను టీమ్ షేర్ చేసి ‘లిటిల్ సర్ ప్రైజ్’ అని ట్వీట్ చేశారు. అల్లు అయాన్ పెదనాన్న బాబీ ఈ చిత్రానికి నిర్మాత. ఇందులో సాయి మంజ్రేకర్, జగపతి బాబు, ఉపేంద్ర, సునీల్ శెట్టి, నవీన్ చంద్ర ముఖ్య పాత్రధారులు. థమన్ ఎస్ సంగీతం అందిస్తున్నాడు. ఈ సినిమాను డిసెంబర్ 3న విడుదల చేయటానికి ప్లాన్ చేస్తున్నారు.