టాలీవుడ్ టాప్ స్టార్స్ మధ్య ఉండే సాన్నిహిత్యం, ఒకరినొకరు గౌరవించుకునే పద్ధతి అభిమానులకు ఎప్పుడూ కంటి నిండా ఆనందాన్ని ఇస్తుంది. మ్యాన్ ఆఫ్ మాసెస్, గ్లోబల్ స్టార్ జూనియర్ ఎన్టీఆర్ (Jr NTR) పుట్టినరోజు కానుకగా నిన్న విడుదలైన ‘డ్రాగన్’ (Dragon) అఫీషియల్ గ్లింప్స్ యూట్యూబ్ను షేక్ చేస్తోంది. ఈ సందర్భంగా ఐకాన్ స్టార్ అల్లు అర్జున్ (Allu Arjun) ఎక్స్ (ట్విట్టర్) వేదికగా తారక్కు సరికొత్త స్టైల్లో విషెస్ చెప్తూ పెట్టిన పోస్ట్ ఇప్పుడు సోషల్ మీడియాలో విపరీతంగా ట్రెండ్ అవుతోంది.
అల్లు అర్జున్, జూనియర్ ఎన్టీఆర్ మధ్య మంచి ఫ్రెండ్షిప్ బాండింగ్ అందరికీ తెలిసిందే. ఒకరినొకరు ఎంతో ఆప్యాయంగా ‘బావ’ అని పిలుచుకునే ఈ ఇద్దరు స్టార్స్.. సోషల్ మీడియాలో కూడా అదే స్నేహాన్ని చూపిస్తుంటారు. ఇందులో భాగంగానే తారక్ బర్త్ డే సందర్భంగా అల్లు అర్జున్ తన ట్విట్టర్ హ్యాండిల్లో ‘డ్రాగన్’ సినిమాను ప్రస్తావిస్తూ ‘ఈసారి టైగర్ కాదు.. డ్రాగన్’ మెనీ హ్యాపీ రిటర్న్స్ ఆఫ్ ది డే బావ. ఈ పుట్టినరోజు నీ జీవితంలో అపారమైన శ్రేయస్సు, శాంతి, ప్రేమని తీసుకురావాలని కోరుకుంటున్నాను’ అని తెలిపారు. ప్రజంట్ ఈ ట్వీట్ వైరల్ అవుతుంది.