Akhil Akkineni: ‘ఏజెంట్’గా వస్తోన్న ఏయన్నార్ మనవడు!
- Follow Us :
-
-
Add as a preferred
source on google
Akhil Akkineni:అక్కినేని అఖిల్ ను చూస్తే అభినయంపై అతనికి తరగని తపన ఉందనిపిస్తుంది. ఎంతయినా మహానటుడు ఏయన్నార్ మనవడు. కింగ్ నాగార్జున ముద్దులకొడుకు. నాగచైతన్యకు ప్రియమైన తమ్ముడు. వీరందరి స్ఫూర్తితోనే అఖిల్ అభినయ పర్వంలో సాగుతున్నాడు. ఆ మాటకొస్తే అక్కినేని అభినయ కుటుంబంలో అతి పిన్నవయసులోనే తెరపై కనిపించి, అలరించిన ఘనత అఖిల్ సొంతమని చెప్పాలి! ఏడాది వయసులోనే అఖిల్ ‘సిసింద్రీ’గా జనాన్ని మెప్పించాడు. అప్పటి నుంచీ అక్కినేని ఇంట మరో ప్రతిభావంతుడు పుట్టాడని జనం భావించారు. దోగాడే పసిపాపగా ఉన్న రోజుల్లోనే అలరించిన అఖిల్ కథానాయకునిగానూ మెప్పిస్తాడని అభిమానులు ఆశించారు. ఎందుకనో వారి ఆశలు ఆరంభంలో అంతగా ఫలించలేదు. మూడు చిత్రాల తరువాత ‘మోస్ట్ ఎలిజిబుల్ బ్యాచ్ లర్’గా జనం ముందు నిలచి తొలి సక్సెస్ ను తన ఖాతాలో వేసుకున్నాడు అఖిల్. ఇప్పుడు ‘ఏజెంట్’గా మురిపించే ప్రయత్నంలో ఉన్నాడు అఖిల్. నిజానికి ‘ఏజెంట్’ గత సంవత్సరమే వెలుగు చూడాలి. కొన్ని అనివార్య కారణాల వల్ల ఈ యేడాది ఏప్రిల్ 28న ‘ఏజెంట్’గా జనాన్ని పలకరించబోతున్నాడు అఖిల్.
అఖిల్ అక్కినేని 1994 ఏప్రిల్ 8న కాలిఫోర్నియాలోని శాన్ జోస్ లో జన్మించాడు. అక్కినేని నాగార్జున, అమల దంపతుల నోముల పంటగా జన్మించిన అఖిల్ సంవత్సరం వయసులోనే ‘సిసింద్రీ’ చిత్రంలో నటించి అలరించాడు. ఆ తీరును ఇప్పటికీ అభిమానులు మరచిపోలేరు. అమ్మ అమల, నాన్న నాగార్జున – ఇద్దరూ తెరపై మేటి నటీనటులుగా వెలిగారు. వారి జీన్స్ అఖిల్ ను సినిమా రంగంవైపే పరుగులు తీయించాయి. చిత్రసీమలోకి యంగ్ హీరోగా అడుగుపెట్టక ముందు అఖిల్ క్రికెట్ లో భలేగా రాణించాడు. ఆస్ట్రేలియా వెళ్ళి క్రికెట్ లో మరీ శిక్షణ తీసుకున్నాడు. ఫండ్ రైజింగ్ ప్రోగ్రామ్స్ కోసం టాలీవుడ్ స్టార్స్ క్రికెట్ ఆడిన సమయంలో అఖిల్ కూడా బ్యాటింగ్ చేసి జనాన్ని ఆకట్టుకున్నాడు. అప్పట్లో అఖిల్ ఏ జట్టులో ఉంటే ఆ టీమ్ గెలుస్తుందని సినీజనం భావించేవారు.
Also Read
- Vishwak Sen Legacy: ప్లాన్ మార్చిన మాస్ కా దాస్.. డిసెంబర్ రేసులో విశ్వక్ లేనట్టేనా?
- Daredevil: ఆ క్రేజీ సినిమా షూటింగ్పై శ్రీలీల సాలిడ్ అప్డేట్!
- Itlu Arjun సక్సెస్ క్రెడిట్ నాది కాదు.. ఆ హార్డ్ వర్క్ అంతా వారిదే: నాగార్జున
- Giribabu Death:బాధతో మాటలు రావడం లేదు’.. గిరిబాబు మృతిపై మోహన్ బాబు ఎమోషనల్!
అఖిల్ క్రికెట్ లో అలరించింది మొదలు అక్కినేని అభిమానులు అఖిల్ ను తెరపై చూడాలని ఆశిస్తూనే ఉన్నారు. అభిమానుల కోరిక తీర్చడానికి అన్నట్టు అక్కినేని హీరోలు అందరూ కలసి నటించిన ‘మనం’ చిత్రంలో తాత, తండ్రి, అన్నతో కలసి ఓ సీన్ లో కాసేపు కనిపించాడు. అందులో అఖిల్ ఎంట్రీ చూసిన అభిమానులు ఆనందంతో చిందులు వేశారు. తరువాత వి.వి.వినాయక్ దర్శకత్వంలో అఖిల్ సోలో హీరోగా ‘అఖిల్’మూవీతో ప్రేక్షకుల ముందు నిలిచాడు. ఆ పై ‘హలో’, ‘మిస్టర్ మజ్ను’ సినిమాల్లోనూ అఖిల్ నటించినా, ‘మోస్ట్ ఎలిజిబుల్ బ్యాచ్ లర్’తోనే తొలి విజయాన్ని అందుకున్నారు. ఆ తరువాత వస్తున్న ‘ఏజెంట్’పై మొదటి నుంచీ అభిమానుల్లో అంచనాలు ఉన్నాయి. దర్శకుడు సురేందర్ రెడ్డి స్టైల్ ఆఫ్ మేకింగ్ ఈ ‘ఏజెంట్’కు ఓ ఎస్సెట్. మరి ఏయన్నార్ మనవడు ‘ఏజెంట్’గా ఏ తీరున మెప్పిస్తారో చూడాలి!
తాజావార్తలు
-
India Top ODI Captains: ధోనీ టాప్.. కోహ్లీ లాస్ట్..! టాప్ కెప్టెన్స్ వీరే అంటున్న టీమిండియా మాజీ ప్లేయర్..
-
UP Assembly Elections 2027: యూపీ ఎన్నికల్లో కాంగ్రెస్కు 100 సీట్లు కూడా రావు.. ఎస్పీ ఎంపీ సంచలన వ్యాఖ్యలు!
-
Cameras on Vegetable Vendors: కూరగాయల మార్కెట్లో AI కలకలం.. వ్యాపారుల తలపై వింత గ్యాడ్జెట్లు.. అసలేం జరుగుతోంది?
-
IND vs NZ 5th ODI: న్యూజిలాండ్ బౌలర్ల దెబ్బకు భారత్ అబ్బా.. 209 పరుగులకే ఆలౌట్!
-
Donald Trump: ట్రంప్కు కోర్టులో మరో షాక్.. వైట్హౌస్ సమీపంలోని గోల్ఫ్ కోర్స్ ప్రాజెక్టుపై బ్రేక్!
ట్రెండింగ్
-
Toyota Innova Hycross Facelift: E100 ఇథనాల్ టెక్నాలజీతో నవంబర్ 25న కొత్త ఇన్నోవా హైక్రాస్ లాంచ్..!
-
200MP+200MP కెమెరాలు, 100W ఫాస్ట్ ఛార్జింగ్, 1TB స్టోరేజ్ తో HONOR Magic9 Pro Max నవంబర్ 24న గ్లోబల్ లాంచ్..
-
200MP కెమెరా, 9000mAh బ్యాటరీలతో నవంబర్ 23న HONOR 700 సిరీస్ లాంచ్..!
-
RRB NTPC Recruitment: రైల్వేలో 1688 క్లర్క్, టికెట్ కలెక్టర్ ఉద్యోగాల భర్తీకి నోటిఫికేషన్.. నేడే చివరి తేదీ.! అప్లై చేసుకున్నారా.?
-
Birsa Munda : 25 ఏళ్లకే బ్రిటిష్ సామ్రాజ్యాన్ని వణికించాడు.. బిర్సా ముండా పోరాట గాథ