Ponniyan Selvan: పగతో రగులుతున్న ఐశ్వర్యరాయ్.. ఎవరిపైనంటే..?

అందమైన ముగ్ద మనోహర రూపం ఆమె సొంతం.. పళువూరు రాజ్యానికి రాణి.. అయినా ఆమె ముఖంలో సంతోషం లేదు.. ఎవరిపైనో పగ, ప్రతీకారం తీర్చుకోవాలన్నట్లు కసిగా చూస్తోంది. ఆ అందమైన రూపం వెనుక క్రూరమైన ఆలోచనలు ఉన్నాయా..? అంతగా ఆ రాణిని హింసించింది ఎవరు..? ఇవన్నీ తెలియాలంటే ‘పొన్నియన్ సెల్వన్’ పార్ట్ 1 చూడాల్సిందే. కోలీవుడ్ డైరెక్టర్ మణిరత్నం డ్రీమ్ ప్రాజెక్ట్ గా ‘పొన్నియన్ సెల్వన్’ తెరకెక్కుతునన్ విషయం విదితమే.. 1955 లో కల్కి కృష్ణమూర్తి రాసిన నవల ఆధారంగా ఈ సినిమాను తెరకెక్కిస్తున్నాడు మణిరత్నం.. భారీ తారాగణం అంతకు మించి భారీ వ్యయంతో లైకా ప్రొడక్షన్స్ ఈ సినిమాను నిర్మిస్తుంది. విక్రమ్, కార్తీ, జయం రవి, నాజర్, త్రిష, ఐశ్వర్య రాయ్, ప్రకాష్ రాజ్, శోభితా ధూళిపాళ్ల వంటి స్టార్ క్యాస్టింగ్ నటిస్తున్న ఈ చిత్రం మొదటి భాగం సెప్టెంబర్ 30 న ప్రేక్షకుల ముందుకు రానుంది.

పాన్ ఇండియా లెవెల్లో తెరకెక్కిస్తున్న ఈ సినిమాపై ప్రేక్షకులు భారీ అంచనాలు పెట్టుకున్నారు. ఇప్పటికే ఈ చిత్రం నుంచి రిలీజైన విక్రమ్, కార్తీ ఫస్ట్ లుక్ పోస్టర్లు సినిమాపై అంచనాలను పెంచేశాయి. ఇక తాజాగా నేడు ఈ సినిమాలోని ఐశ్వర్య రాయ్ బచ్చన్ లుక్ ను మేకర్స్ రిలీజ్ చేశారు. ఈ చిత్రంలో ఐశ్వర్య రెండు విభిన్నమైన పాత్రలో కనిపిస్తోంది. అందులో ఒకటి నందిని.. పళువూరు రాణి. ‘ప్రతీకారానికి అందమైన ముఖం..ఇదుగో పళువూరు రాణి నందిని’ అంటూ మేకర్స్ ఐశ్వర్య రాయ్ ను పరిచయం చేసారు. రాణి నందిని గా ఐశ్వర్య లుక్ అదిరిపోయింది. నిజంగా ఆ కాలంలో రాణులు ఇంత అందంగా ఉండేవారా..? అనేంతగా ఐష్ లుక్ మెస్మరైజ్ చేస్తోంది. ప్రస్తుతం ఈ పోస్టర్ నెట్టింట వైరల్ గా మారింది.. మరి ఈ సినిమాతో తెలుగులో ఐష్ ఘనవిజయాన్ని అందుకుంటుందో లేదో చూడాలి.