Adipurush: అప్పటికన్నా పర్లేదు.. కానీ..

Adipurush: పాన్ ఇండియా స్టార్ ప్రభాస్.. ఆదిపురుష్ సినిమాతో బాలీవుడ్ ఎంట్రీ ఇస్తున్న విషయం తెల్సిందే . బాలీవుడ్ డైరెక్టర్ ఓం రౌత్ దర్శకత్వం వహిస్తున్న ఈ చిత్రంలో ప్రభాస్ సరసన కృతి సనన్ నటిస్తుండగా.. సైఫ్ ఆలీఖాన్ రావణాసురుడిగా కనిపించాడు. గుల్షన్ కుమార్ అండ్ టీ సిరీస్ ప్రతిష్టాత్మకంగా నిర్మించిన ఈ సినిమా జూన్ లో రిలీజ్ కానుంది. ఇక ఆదిపురుష్ ఏ ముహూర్తాన మొదలయ్యిందో కానీ అప్పటినుంచి వివాదాలు వస్తూనే ఉన్నాయి. మొదటి పోస్టర్ రిలీజ్ దగ్గరనుంచి ఈ మధ్య రిలీజ్ అయిన కొత్త పోస్టర్ వరకు అభిమానులను ఆదిపురుష్ మేకర్స్ సంతృప్తి పరచలేదు అంటే అతిశయోక్తి కాదు. ముఖ్యంగా టీజర్ విషయంలో ప్రభాస్ ఫ్యాన్స్ ఎంత ఊహించుకున్నారో ప్రత్యేకంగా చెప్పాల్సిన అవసరం లేదు. తీరా టీజర్ రిలీజ్ అయ్యా బొమ్మల సినిమా అంటూ అసహనం వ్యక్తం చేశారు. విఎఫ్ఎక్స్ బాలేదని కార్టూన్ బొమ్మలు చూసినట్టుందని చెప్పుకొచ్చారు. ఇక దీంతో మేకర్స్ ఈ సినిమాను 3డీ కి షిఫ్ట్ చేసినట్లు చెప్పారు.

KA Paul: పవన్ కళ్యాణ్.. రాజీనామా చేసి ఆస్ట్రేలియాకి పో.. లేదా

ఇక 3డీలో చూసిన వారు విజువల్స్ బాగానే ఉన్నాయని మెచ్చుకున్నారు. ఈ విషయం పక్కన పెడితే తాజాగా విఎఫ్ఎక్స్ మార్చి కొత్త టీజర్ ను రిలీజ్ చేశారు మేకర్స్. అప్పటితో పోలిస్తే ఈ టీజర్ బాగానే కనిపిస్తుంది.. కానీ, ఆ హైప్ లేదని అభిమానులు చెప్పుకొస్తున్నారు. విజువల్ వండర్ గా ఆదిపురుష్ ను తెరకెక్కిస్తున్నారు అని చెప్పడంతో అభిమానులు అందరు భారీ అంచనాలను పెట్టుకున్నారు. కానీ, టీజర్ చూసాకా ఆ అంచనాలు తలకిందులయ్యాయి. ఇక ఇప్పుడు మరోసారి అంచనాలను పెట్టుకొని మళ్లీ నిరాశపడలేమని ఫ్యాన్స్ చెప్పుకొస్తున్నారు. మరి ఈ సినిమా రిజల్ట్ ఎలా ఉంటుంది అనేది తెలియాలంటే ఇంకొన్ని రోజులు ఆగాల్సిందే.