బెంజ్ ఎక్కబోతున్న ఆది సాయికుమార్!

కొత్త సంవత్సరం ఆది సాయికుమార్ నటించిన ‘అతిథి దేవో భవ’ చిత్రం విడుదలైంది. ఈ సైకలాజికల్ థ్రిల్లర్ మూవీ ఇలా జనంలోకి వెళ్ళిందో లేదో… అలా ఆది సాయికుమార్ ఇంటికి సరికొత్త బెంజ్ కారు వచ్చేసింది. సినిమా హీరోలకు హైటెక్ కార్లు కొనడం, అందులో తిరగడం అనేది ఓ సరదా! కెరీర్ లో స్టెప్ బై స్టెప్ ఎదుగుతున్న క్రమంలో అవకాశం చిక్కితే చాలు కార్లనూ మార్చేస్తుంటారు. పాత వాటి స్థానంలో హైఎండ్ కారు కొనుగోలు చేస్తుంటారు.

ప్రస్తుతం చేతిలో ఆరేడు సినిమాలు ఉన్న ఆది సాయికుమార్ సైతం కొత్త సంవత్సరం ఓ బెంజ్ కారు కొనుగోలు చేశాడు. దాని డెలివరీ కూడా అయిపోయింది. ఈ సందర్భంగా తండ్రి, సీనియర్ నటుడు సాయికుమార్ తోనూ భార్య, పాపతోనూ కలిసి దిగిన ఫోటోలను ఆది సాయికుమార్ మీడియాకు విడుదల చేశాడు. సో… బెంజ్ స్పీడ్ లోనే ఆది సాయికుమార్ కెరీర్ కూడా స్పీడ్ గా ముందుకు దూసుకుపోతుందేమో చూద్దాం.