Egg 65 Recipe: రెస్టారెంట్ స్టైల్ ‘ఎగ్ 65’.. ఇంట్లోనే సులభంగా తయారు చేసుకోండిలా.!

సాయంత్రం వేళ ఆకలి వేసినప్పుడు లేదా ఇంటికి చుట్టాలు వచ్చినప్పుడు వెరైటీగా ఏదైనా చేయాలనుకుంటే ‘ఎగ్ 65’ ఒక బెస్ట్ ఆప్షన్. ఇది కేవలం రుచిలోనే కాదు, చూడటానికి కూడా ఎంతో ఆకర్షణీయంగా ఉంటుంది.

కావాల్సిన పదార్థాలు:
ముందుగా ఈ వంటకానికి కావాల్సిన వస్తువులను సిద్ధం చేసుకోవాలి. 6 ఉడకబెట్టిన గుడ్లు, 2 పచ్చి గుడ్లు (బైండింగ్ కోసం), సన్నగా తరిగిన అల్లం, వెల్లుల్లి రెబ్బలు, చీల్చిన పచ్చిమిర్చి, కరివేపాకు, కొత్తిమీర, పెరుగు (2 కప్పులు), కార్న్ ఫ్లోర్, బ్రెడ్ పౌడర్, గరం మసాలా, కారం, జీలకర్ర పొడి, చిల్లీ సాస్ , రుచికి సరిపడా ఉప్పు, కొద్దిగా చక్కెర.

Thappad Gang: చీకట్లో బైక్‌పై వస్తారు.. చెంప పగులగొట్టి పోతారు.. “చెంపదెబ్బల ముఠా” హల్‌చల్

తయారీ విధానం:

స్టెప్ 1: గుడ్డు ఉండల సిద్ధం చేయడం
మొదటగా ఉడకబెట్టిన గుడ్ల నుంచి పచ్చసొనను వేరు చేసి, తెల్లసొనను మాత్రమే చిన్న ముక్కలుగా కోసుకోవాలి. ఈ ముక్కల్లో సన్నగా తరిగిన అల్లం, వెల్లుల్లి, పచ్చిమిర్చి ముక్కలు, కొద్దిగా కారం, గరం మసాలా వేయాలి. వీటికి తగినంత కార్న్ ఫ్లోర్, బ్రెడ్ పౌడర్ కలిపి, రెండు పచ్చి గుడ్ల తెల్లసొనను వేసి బాగా కలపాలి. ఈ మిశ్రమాన్ని చిన్న చిన్న ఉండలుగా (బాల్స్) చేసి పక్కన పెట్టుకోవాలి.

స్టెప్ 2: డీప్ ఫ్రై
బాణలిలో నూనె వేడి చేసి, ఈ ఉండలను ఒక్కొక్కటిగా వేస్తూ బంగారు రంగు వచ్చేవరకు వేయించాలి. ఇలా వేయించిన ముక్కలను ఒక ప్లేట్‌లోకి తీసుకోవాలి.

స్టెప్ 3: గ్రేవీ టచ్
మరో ప్యాన్‌లో కొద్దిగా నూనె వేసి అల్లం, వెల్లుల్లి, పచ్చిమిర్చి, కరివేపాకు వేసి వేయించాలి. అందులో పెరుగు వేసి కాసేపు ఉడికించాలి. గ్రేవీ చిక్కబడ్డాక అందులో కశ్మీరీ కారం (మంచి రంగు కోసం), గరం మసాలా, జీలకర్ర పొడి, కొద్దిగా చిల్లీ సాస్ , రుచిని బ్యాలెన్స్ చేయడానికి చిటికెడు చక్కెర వేసి కలపాలి.

స్టెప్ 4:
చివరగా ముందుగా వేయించి పెట్టుకున్న గుడ్డు ఉండలను ఈ పెరుగు మిశ్రమంలో వేసి, మంటను పెంచి మసాలా అంతా ముక్కలకు పట్టేలా బాగా టాస్ (Toss) చేయాలి. చివరగా కొత్తిమీర చల్లుకుని స్టవ్ ఆర్పేయాలి.

అంతే..! నోరూరించే ఎగ్ 65 రెడీ. దీనిని వేడివేడిగా ఉల్లిపాయ ముక్కలు, నిమ్మరసంతో సర్వ్ చేస్తే రుచి అద్భుతంగా ఉంటుంది. మాంసాహారం తినని వారికి ఇది ఒక పర్ఫెక్ట్ హెల్తీ స్నాక్ అని చెప్పవచ్చు. ఈసారి మీరు కూడా తప్పకుండా ప్రయత్నించి చూడండి..

Thappad Gang: చీకట్లో బైక్‌పై వస్తారు.. చెంప పగులగొట్టి పోతారు.. “చెంపదెబ్బల ముఠా” హల్‌చల్