Cheapest Saree Markets: మగువలకు గుడ్ న్యూస్.. రూ.150 కే పట్టు చీరలు.. దేశంలోనే అత్యంత చౌకైన మార్కెట్లు ఇవే!

Cheapest Saree Markets: ఫంక్షన్ ఏదైనా, పండుగ వచ్చినా మహిళలు ముందుగా వెతికేది అందమైన చీరల కోసమే. అయితే అద్భుతమైన డిజైన్లతో పాటు బడ్జెట్‌లోనే అదిరిపోయే చీరలు దొరికితే ఆ ఆనందమే వేరు. భారతదేశంలో కేవలం రూ.150 నుంచే నాణ్యమైన పట్టు చీరలు లభించే మూడు ప్రసిద్ధ మార్కెట్ల గురించి మీకు తెలుసా? ఢిల్లీ, కోల్‌కతా, ముంబై నగరాల్లోని ఈ మార్కెట్లు హోల్‌సేల్ ధరకు చీరలను విక్రయిస్తూ దేశవ్యాప్తంగా గుర్తింపు పొందాయి. వాటి వివరాలను ఈ స్టోరీలో తెలుసుకుందాం.

1. చాందీనీ చౌక్ (ఢిల్లీ).. డిజైనర్ చీరల అడ్డా
ఢిల్లీలోని చాందీనీ చౌక్ అంటే కేవలం రుచికరమైన ఆహారమే కాదు, వస్త్ర ప్రపంచానికి పెట్టింది పేరు. ఇక్కడ బనారసి, పట్టు, కాటన్ నుంచి లేటెస్ట్ డిజైనర్ చీరల వరకు అన్నీ లభిస్తాయి. ఇక్కడ ధర రూ.500 నుంచి ప్రారంభం అవుతుంది. ఇక్కడి ప్రత్యేకత ఏంటంటే.. పెళ్లిళ్లు, పార్టీలకు కావాల్సిన రిచ్ లుక్ చీరలు ఇక్కడ చాలా ఫేమస్. చాందీనీ చౌక్ ఓపెనింగ్ టైం విషయానికి వస్తే.. ఉదయం 10:00 నుంచి రాత్రి 9:00 వరకు (ఆదివారం సెలవు). ఈ ప్లే్స్‌కు ఎలా వెళ్లాలంటే.. చాందీనీ చౌక్ మెట్రో స్టేషన్ ద్వారా సులభంగా చేరుకోవచ్చు.

2. బుర్రా బజార్ (కోల్‌కతా).. బడ్జెట్ ఫ్రెండ్లీ మార్కెట్
మీరు తక్కువ ధరలో ఎక్కువ కలెక్షన్‌ను చూడాలనుకుంటే కోల్‌కతాలోని బుర్రా బజార్ సరైన ప్లేస్. ఇక్కడ వందలాది దుకాణాలు హోల్‌సేల్ ధరలకే చీరలను విక్రయిస్తాయి. వీటి ధర విషయానికి వస్తే.. ధర రూ.150 నుంచి రూ.3,000 వరకు ఉంటుంది. ఈ ప్లేస్ ప్రత్యేకత విషయానికి వస్తే కాటన్, హ్యాండ్లూమ్, బంధాని, సింథటిక్ చీరలకు ఇది చాలా ఫేమస్. బుర్రా బజార్ ఓపెనింగ్ టైం విషయానికి వస్తే.. ఉదయం 10:00 నుంచి రాత్రి 9:00 వరకు (ఆదివారం సెలవు). దీనికి ఎలా వెళ్లాలంటే.. మహాత్మా గాంధీ రోడ్ మెట్రో స్టేషన్ ఇక్కడికి చాలా దగ్గర.

3. మంగళ్‌దాస్ మార్కెట్ (ముంబై) .. లేటెస్ట్ డిజైన్ల అడ్డా
ముంబైలోని మంగళ్‌దాస్ మార్కెట్ నిత్యం కొత్త డిజైన్లతో కళకళలాడుతుంటుంది. ఇక్కడికి వెళ్తే ఒకే సందులో 20 నుంచి 30 రకాల విభిన్నమైన మెటీరియల్స్ అందుబాటులో ఉంటాయి. దీని ప్రత్యేకత విషయానికి వస్తే.. జార్జెట్, ప్రింటెడ్, ఆఫీస్ వేర్ చీరలు ఇక్కడ వెరైటీగా లభిస్తాయి. ఓపెనింగ్ టైం విషయానికి వస్తే.. ఉదయం 11:00 నుంచి స్టార్ట్ అవుతుంది. ఆదివారం సెలవు. ఇక్కడ విశేషం ఏమిటంటే.. అప్-టు-డేట్ ఫ్యాషన్ కోరుకునే వారికి ఈ మార్కెట్ నిరాశ పరచదు.

చాలా మందికి వచ్చే సహజమైన ప్రశ్న.. ఈ మార్కెట్లలలో చీరలు తక్కువ ధరకే దొరుకుతాయా అని?.. అవును ఈ హోల్‌సేల్ మార్కెట్లలో రూ.150 – రూ.300 మధ్య రోజువారీ వాడకానికి సరిపోయే మంచి చీరలు లభిస్తాయి. వీటిలో బెస్ట్ మార్కెట్ ఏదంటే.. హోల్‌సేల్ వ్యాపారానికి కోల్‌కతాలోని బుర్రా బజార్, ముంబైలోని మంగళ్‌దాస్ మార్కెట్ అత్యంత అనువైనవి. తక్కువ ధరలో మంచి నాణ్యత కావాలంటే కళ్లు మూసుకుని చాందీనీ చౌక్ వెళ్లవచ్చు. తక్కువ ఖర్చుతో మీ వార్డ్‌రోబ్‌ను అద్భుతమైన చీరలతో నింపేయాలనుకుంటే, ఈసారి ఆ నగరాలకు వెళ్ళినప్పుడు ఈ మార్కెట్లను సందర్శించడం మర్చిపోకండి..