India Post GDS Result 2026: జీడీఎస్ 1వ మెరిట్ లిస్ట్ విడుదల.. రాష్ట్రాల వారీగా PDF డౌన్‌లోడ్ చేసుకోండి

India Post GDS Result 2026: భారతీయ తపాలా శాఖలో గ్రామీణ డాక్ సేవక్ (GDS) ఉద్యోగాల కోసం దరఖాస్తు చేసుకున్న అభ్యర్థులకు ముఖ్యమైన అప్‌డేట్. India Post GDS Result 2026 మొదటి మెరిట్ లిస్ట్ విడుదలైంది. అభ్యర్థులు తమ రాష్ట్రానికి సంబంధించిన మెరిట్ లిస్ట్ PDFను అధికారిక వెబ్‌సైట్ ద్వారా డౌన్‌లోడ్ చేసుకొని, అందులో తమ రిజిస్ట్రేషన్ నంబర్ ఉందో లేదో తనిఖీ చేసుకోవచ్చు. ఈ మెరిట్ లిస్టులను రాష్ట్రాల వారీగా విడుదల చేస్తారు. జాబితాలో పేరు లేదా రిజిస్ట్రేషన్ నంబర్ ఉన్న అభ్యర్థులు తదుపరి దశలో భాగంగా డాక్యుమెంట్ వెరిఫికేషన్‌కు హాజరు కావాల్సి ఉంటుంది.

India Post GDS Result 2026: అధికారిక వెబ్‌సైట్

GDS మొదటి మెరిట్ లిస్ట్‌ను తనిఖీ చేయాలనుకునే అభ్యర్థులు ఇండియా పోస్ట్ అధికారిక వెబ్‌సైట్‌ను సందర్శించాలి.

అధికారిక వెబ్‌సైట్: https://indiapost.gov.in/gdsonlineengagement

వెబ్‌సైట్‌లో అందుబాటులో ఉన్న Shortlisted Candidates విభాగంలో సంబంధిత నోటిఫికేషన్‌ను ఎంచుకొని, తమ రాష్ట్రానికి సంబంధించిన PDFను డౌన్‌లోడ్ చేసుకోవచ్చు.

మెరిట్ లిస్ట్‌లో ఏ వివరాలు ఉంటాయి?

India Post GDS మెరిట్ లిస్ట్‌లో అభ్యర్థులకు సంబంధించిన పలు వివరాలు ఉంటాయి. ముఖ్యంగా ఈ కింది అంశాలను తనిఖీ చేయాలి.

సీరియల్ నంబర్
డివిజన్ పేరు
పోస్టాఫీస్ వివరాలు
పోస్టు ఐడీ, పోస్టు పేరు
అభ్యర్థి కేటగిరీ
రిజిస్ట్రేషన్ నంబర్
మెరిట్ లిస్ట్‌లో పేర్కొన్న మార్కులు

అభ్యర్థులు PDFను తెరిచిన తర్వాత తమ రిజిస్ట్రేషన్ నంబర్‌ను ఉపయోగించి వివరాలు గుర్తించవచ్చు.

GDS మొదటి మెరిట్ లిస్ట్ PDF డౌన్‌లోడ్ చేయడం ఎలా?

ముందుగా అధికారిక వెబ్‌సైట్ https://indiapost.gov.in/gdsonlineengagement ను ఓపెన్ చేయండి.
హోమ్‌పేజీలో Shortlisted Candidates: Schedule-II, July-2026 అనే విభాగం అందుబాటులో ఉందో చూడండి.
ఆ లింక్‌పై క్లిక్ చేయండి.
మీ రాష్ట్రాన్ని ఎంచుకోండి.
సంబంధిత మెరిట్ లిస్ట్ PDFను ఓపెన్ చేయండి.
PDFలో మీ రిజిస్ట్రేషన్ నంబర్‌ను వెతకండి.
భవిష్యత్తు అవసరాల కోసం PDFను డౌన్‌లోడ్ చేసి సేవ్ చేసుకోండి.

డాక్యుమెంట్ వెరిఫికేషన్‌కు ఏ పత్రాలు తీసుకెళ్లాలి?

మెరిట్ లిస్ట్‌లో చోటు దక్కిన అభ్యర్థులు డాక్యుమెంట్ వెరిఫికేషన్‌కు పిలుపు వచ్చినప్పుడు అవసరమైన పత్రాలను సిద్ధం చేసుకోవాలి. సాధారణంగా సంబంధిత నోటిఫికేషన్ ప్రకారం కింది పత్రాలు అవసరమవుతాయి.

విద్యార్హత మార్కుల మెమోలు, సర్టిఫికెట్లు
గుర్తింపు కార్డు
కుల ధ్రువీకరణ పత్రం- వర్తిస్తే
దివ్యాంగుల ధ్రువీకరణ పత్రం- వర్తిస్తే
EWS సర్టిఫికెట్ – వర్తిస్తే
ట్రాన్స్‌జెండర్ ధ్రువీకరణ పత్రం – వర్తిస్తే
జనన తేదీకి సంబంధించిన ఆధారం
నోటిఫికేషన్‌లో తప్పనిసరిగా పేర్కొన్న వైద్య ధ్రువీకరణ పత్రం
అరుణాచల్ ప్రదేశ్, సిక్కిం లేదా గోవా రాష్ట్రాల్లో వర్తించే స్థానిక భాష లేదా గిరిజన భాషా పరిజ్ఞాన ధ్రువీకరణ పత్రం – అవసరమైన సందర్భాల్లో

మెరిట్ లిస్ట్‌లో ఎంపికైన అభ్యర్థులు తమకు పోస్టింగ్ కేటాయించిన డివిజన్‌కు సంబంధించిన డివిజనల్ కార్యాలయంలో 27/10/2026 లోపు (అక్టోబర్ 27, 2026 నాటికి) తమ ధ్రువపత్రాల పరిశీలన (Document Verification) పూర్తి చేయించుకోవాలి. అభ్యర్థులు ధ్రువపత్రాల పరిశీలనకు హాజరయ్యే సమయంలో సంబంధిత పత్రాల అసలు ప్రతులతో పాటు, వాటి రెండు సెట్ల జిరాక్స్ కాపీలను తప్పనిసరిగా తీసుకెళ్లాలి.