Trump: హార్వర్డ్‌పై విజయం సాధిస్తా.. ట్రంప్ ప్రతిజ్ఞ

హార్వర్డ్ యూనివర్సిటీ మధ్య ట్రంప్ పరిపాలన మధ్య వివాదం నెలకొంది. ట్రంప్ రెండోసారి అధికారంలోకి వచ్చిన దగ్గర నుంచి హార్వర్డ్ విశ్వవిద్యాలయంపై కఠిన నిర్ణయాలు తీసుకుంటున్నారు. యూనివర్సిటీకి అందించే సాయాన్ని నిలిపివేయడంతో పాటు పాఠ్యాంశాలు మార్చాలంటూ ఆదేశాలు ఇచ్చారు. ఇటీవల విదేశీ విద్యార్థులను చేర్చుకునే సర్టిఫికేషన్ కూడా ట్రంప్ సర్కార్ రద్దు చేసింది. దీంతో ప్రపంచ దేశాల్లో ఉన్న ప్రముఖుల పిల్లల భవిష్యత్ అంధకారం అయింది.

ఇది కూడా చదవండి: Mollywood : స్టార్ హీరో ఉన్ని ముకుందన్‌పై..మేనేజర్ పోలీసు కేస్

తాజాగా మరోసారి ట్రంప్ కీలక వ్యాఖ్యలు చేశారు. హార్వర్డ్ యూనివర్సిటీపై విజయం సాధిస్తానని ప్రతిజ్ఞ చేశారు. విశ్వవిద్యాలయానికి అందాల్సిన 3 బిలియన్‌ డాలర్లను దక్కకుండా చేసే అంశాన్ని పరిశీలిస్తున్నట్లు ట్రంప్ ట్రూత్‌ సోషల్‌లో పోస్టు పెట్టారు. ‘‘ఆ మొత్తాన్ని దేశంలోని ట్రేడ్‌ స్కూల్స్‌కు బదిలీ చేయాలని భావిస్తున్నా. అమెరికాకు ఇది గొప్ప పెట్టుబడి అవుతుంది. విదేశీ విద్యార్థులకు సంబంధించిన జాబితాను యూనివర్సిటీ ఇంకా అందించలేదు. దాని కోసం ఎదురుచూస్తున్నా. దేశానికి ముప్పు రాకుండా ఉండటం కోసం బిలియన్‌ డాలర్లు ఖర్చు చేశాం. ఆ తర్వాత కూడా ఉన్మాదులు, అమెరికాను ఇబ్బందులు పెట్టాలనుకునే వారు ఇంకా ఉన్నారా? అని తెలుసుకోవడం కోసం ఈ జాబితా ఉపయోగపడుతుంది. అప్పుడే అలాంటివారిని దేశంలోకి మళ్లీ రాకుండా నియంత్రించగలం. హార్వర్డ్‌పై మా ప్రభుత్వం విజయం సాధిస్తుంది’’ అని ట్రంప్‌ పేర్కొన్నారు.

ఇది కూడా చదవండి: CM Chandrababu: అదే నా ఆశ.. ఆకాంక్ష!

గతేడాది జరిగిన ఎన్నికల్లో ట్రంప్‌నకు వ్యతిరేకంగా హార్వర్డ్ యూనివర్సిటీ పని చేసిందన్న కోపంతో ట్రంప్ సర్కార్ పగతో రగిలిపోతుంది. అంతేకాకుండా యూదు మతానికి వ్యతిరేకంగా.. హమాస్‌కు మద్దతుగా బోధిస్తోందని ఆరోపించారు. అలాగే చైనాకు మద్దతుగా విశ్వవిద్యాలయం పని చేస్తోందని ట్రంప్ సర్కార్ ఆరోపిస్తోంది.