Sweden: ఖురాన్ తగలబెట్టిన ఇరాకీ శరణార్థి సల్వాన్ మోమికా హత్య

2023లో బహిరంగంగా ఖురాన్ కాపీలను పదే పదే తగలబెట్టిన మాజీ ముస్లిం, క్రైస్తవ ఇరాకీ శరణార్థి సల్వాన్ మోమికా స్వీడన్‌లో హత్యకు గురయ్యాడు. ఇంట్లో ఉండగా దుండగులు తుపాకీతో కాల్చి చంపారు. జనవరి 29, 2025న స్వీడన్ సోడెర్టాల్జేలోని తన అపార్ట్‌మెంట్‌లో సల్వాన్ మోమికాను కాల్చి చంపారు. ఇక ఖురాన్ తగలబెట్టిన కేసులో గురువారం తీర్పు జరగాల్సి ఉంది. అయితే సల్వాన్ మోమికా మరణంతో తీర్పును వాయిదా వేసినట్లు స్టాక్‌హోమ్ జిల్లా కోర్టు తెలిపింది. ఫిబ్రవరి 3కి న్యాయస్థానం వాయిదా వేసింది. నిందితుడిని దోషిగా తేల్చనున్నట్లు సమాచారం. కానీ ఇంతలోనే అతడు హతమయ్యాడు.

ఇది కూడా చదవండి: Betting Apps : ఇన్‌ప్లూయెన్స‌ర్లు జర పైలం.. ఇలా చేస్తే ఇక మీరు జైలుకే

సల్వాన్ మోమికా(38). స్వీడన్‌లో ఇస్లాం పవిత్ర గ్రంథాన్ని చించేయడమే కాకుండా అపవిత్రం చేశాడు. ఇజ్రాయెల్‌కు అనుకూలంగా ప్రవర్తించినట్లు సమాచారం. మోమికాకు సంబంధించిన వీడియోలు ప్రపంచ వ్యాప్తంగా వైరల్ కావడంతో తీవ్ర ఆగ్రహావేశాలు రేకెత్తించాయి. ముస్లిం దేశాల్లో నిరసనలు వ్యక్తమయ్యాయి. అంతేకాకుండా పలుచోట్ల అల్లర్లు, అశాంతికి కారణమైంది. 2023లో ఖురాన్ కాపీలను తగలబెట్టిన కేసులో గురువారం తీర్పు రావాల్సి ఉంది. అయితే నిందితుడు బుధవారం తన ఇంట్లో దుండగులు జరిపిన తుపాకీ కాల్పుల్లో హతమయ్యాడు.

పోలీసులు కేసు నమోదు చేసి దర్యాప్తు చేస్తున్నారు. మోమికాపై కాల్పులు జరిగినట్లు సమాచారం అందగానే పోలీసులు సంఘటనాస్థలికి చేరుకుని బాధితుడ్ని ఆస్పత్రికి తరలించారు. కానీ అప్పటికే చనిపోయాడు. మృతుడు మోమికాగా గుర్తించారు.

ఇది కూడా చదవండి: Rakesh Rathore: అత్యాచారం కేసులో కాంగ్రెస్ ఎంపీ అరెస్ట్..