Trump – Modi : ‘నా స్నేహితుడిపై జరిగిన దాడి చాలా ఆందోళనకరం’, ట్రంప్‌పై దాడిని ఖండించిన మోడీ

Rakesh Reddy

2 days ago

Trump – Modi : ఎన్నికల ర్యాలీలో అమెరికా మాజీ అధ్యక్షుడు డొనాల్డ్ ట్రంప్‌పై కాల్పులు జరిగాయి. ఈ కాల్పుల ఘటనలో ట్రంప్ చెవిలో బుల్లెట్ దూసుకుపోగా, చెవి నుంచి రక్తం కారుతోంది. వెంటనే అతడిని ఆస్పత్రికి తరలించారు. ట్రంప్‌పై కాల్పుల ఘటనపై ప్రధాని మోడీ కూడా స్పందించారు. ప్రధాని మోడీ ట్విట్టర్‌లో.. ‘నా స్నేహితుడు, మాజీ అధ్యక్షుడు డొనాల్డ్ ట్రంప్‌పై జరిగిన దాడి పట్ల నేను తీవ్ర ఆందోళన చెందుతున్నాను. ఈ ఘటనను తీవ్రంగా ఖండిస్తున్నాను. రాజకీయాల్లో, ప్రజాస్వామ్యంలో హింసకు తావు లేదు. ఆయన త్వరగా కోలుకోవాలని కోరుకుంటున్నాను. మా ఆలోచనలు, ప్రార్థనలు మరణించిన వారి కుటుంబం, గాయపడిన అమెరికన్ ప్రజలతో ఉన్నాయి.’ అని పేర్కొన్నారు.

ఈ కాల్పుల్లో ఒకరు మృతి చెందగా, ఇద్దరు వ్యక్తులు గాయపడి ఆస్పత్రిలో చికిత్స పొందుతున్నారు. దాడి చేసిన వ్యక్తిని అమెరికన్ సీక్రెట్ సర్వీస్ ఏజెంట్లు వెంటనే చంపారు. ట్రంప్ ర్యాలీకి సంబంధించిన వీడియోలో.. అతను వేదికపై నుండి ర్యాలీని ఉద్దేశించి ప్రసంగిస్తున్నప్పుడు కాల్పుల మోత వినిపించింది. సీక్రెట్ సర్వీస్ ఏజెంట్ల ఏజెంట్లు మూవ్-మూవ్ అని అరుస్తున్నారు. బుల్లెట్లు పేలిన తర్వాత, ట్రంప్ తన చెవులపై చేతులు పెట్టుకుని పోడియం కిందకి వంగారు. వెంటనే అతని భద్రతా సిబ్బంది ట్రంప్ ను చుట్టుముట్టారు.

Deeply concerned by the attack on my friend, former President Donald Trump. Strongly condemn the incident. Violence has no place in politics and democracies. Wish him speedy recovery.

Our thoughts and prayers are with the family of the deceased, those injured and the American…

— Narendra Modi (@narendramodi) July 14, 2024

ఈ సమయంలో అక్కడ ఉన్న గుంపులో అరుపులు వినిపిస్తున్నాయి. అక్కడ ఉన్న చాలా మంది వ్యక్తులు వారి వారి ప్రదేశాలలో భయంతో నేలపై పడుకున్నారు. సీక్రెట్ సర్వీస్ కమాండోలు చర్యలోకి వచ్చి ట్రంప్‌ను చుట్టుముట్టారు. దీని తర్వాత ట్రంప్ అక్కడి నుంచి బయటకు రాగానే గాలిలోకి పిడికిలి ఊపుతూ ఏదో మాట్లాడటం కనిపించింది. ఈ సమయంలో ట్రంప్ ముఖం మీద, అతని చెవుల క్రింద రక్తం కనిపించింది. వెంటనే సీక్రెట్ ఏజెంట్లు ట్రంప్‌ను వేదికపై నుంచి దించి కారులో ఎక్కించి అక్కడి నుంచి తీసుకెళ్లారు. ట్రంప్ క్షేమంగా ఉన్నారని, ఆయన భద్రత కోసం చర్యలు చేపట్టామని సీక్రెట్ సర్వీస్ ఒక ప్రకటనలో తెలిపింది. వేదికపై నుంచి ట్రంప్ దిగిన వెంటనే పోలీసులు ర్యాలీ స్థలాన్ని ఖాళీ చేశారు. సీక్రెట్ సర్వీస్ కాల్పులు హత్యాయత్నంగా దర్యాప్తు చేస్తోంది. మరోవైపు ఎఫ్‌బీఐ బృందం కూడా ఘటనా స్థలానికి చేరుకుంది. కేసు దర్యాప్తులో బృందం సీక్రెట్ సర్వీస్‌తో కలిసి పనిచేస్తుందని ఏజెన్సీ తెలిపింది.