ASEAN Summit 2026: ప్రపంచానికి ఇప్పుడు శాంతి, స్థిరత్వమే అత్యవసరం.. ఆసియాన్ సదస్సులో ప్రధాని మోడీ కీలక వ్యాఖ్యలు
- Follow Us :
-
-
Add as a preferred
source on google
ASEAN Summit 2026: ప్రపంచ దేశాలు ప్రస్తుతం అనేక సంక్షోభాలను ఎదుర్కొంటున్నాయని, ఈ పరిస్థితుల్లో ప్రపంచానికి అత్యంత అవసరమైనవి శాంతి, స్థిరత్వం, భవిష్యత్తుపై స్పష్టమైన అంచనాలు కలిగిన వాతావరణమని భారత ప్రధాని నరేంద్ర మోడీ అన్నారు. ఫిలిప్పీన్స్లో జరుగుతున్న 23వ ఆసియాన్-భారత్ శిఖరాగ్ర సమావేశంలో ఆయన కీలక ప్రసంగం చేశారు. భారత్, ఆసియాన్ దేశాల మధ్య సంబంధాలు గత 12 ఏళ్లలో మరింత బలోపేతం అయ్యాయని పేర్కొన్నారు. భారత్ అభివృద్ధి, ఆసియాన్ దేశాల అభివృద్ధి పరస్పరం ముడిపడి ఉన్నాయని మోడీ స్పష్టం చేశారు. ఇరు పక్షాలు కలిసి పనిచేస్తే ప్రాంతీయ శాంతి, భద్రత, ఆర్థిక అభివృద్ధికి మరింత తోడ్పడగలవని తెలిపారు.
గత కొన్నేళ్లుగా ప్రపంచం వరుసగా అనేక సంక్షోభాలను ఎదుర్కొంటోందని ప్రధాని మోడీ అన్నారు. ఇలాంటి పరిస్థితుల్లో దేశాల మధ్య సహకారం, పరస్పర విశ్వాసం ఎంతో ముఖ్యమని వివరించారు. ఈ ఏడాది ఆసియాన్ సదస్సు థీమ్ ‘నావిగేటింగ్ అవర్ ఫ్యూచర్ టుగెదర్’ (కలిసి మన భవిష్యత్తుకు దిశానిర్దేశం చేసుకోవడం) ఎంతో ప్రాధాన్యత కలిగి ఉందని పేర్కొన్నారు. ప్రపంచ దేశాలు కలిసి పనిచేస్తూ శాంతియుతమైన, స్థిరమైన భవిష్యత్తును నిర్మించుకోవాల్సిన అవసరం ఉందని తెలిపారు.
Also Read
- The Muslim 500 List 2027: ప్రపంచంలో టాప్-500 ముస్లింల జాబితా.. షారూఖ్తో సహా భారత్ నుంచి 22 మంది!
- Imran Khan: ‘‘ప్రాణాలతో తిరిగి రాకపోవచ్చు’’.. నిస్సహాయ స్థితిలో ఇమ్రాన్ ఖాన్ లేఖ!
- Israel Hezbollah: ఓవైపు కొత్త ప్రభుత్వ ఏర్పాటుపై చర్యలు.. హిజ్బుల్లాపై ఇజ్రాయిల్ మెరుపుదాడి!
- Thailand Phuket Fire Accident: థాయ్లాండ్లో ఘోర అగ్నిప్రమాదం.. 11 మంది మృతి, 17 మందికి గాయాలు!
భారత్ అనుసరిస్తున్న ‘యాక్ట్ ఈస్ట్ పాలసీ’ గత కొన్నేళ్లుగా భారత్-ఆసియాన్ సంబంధాలకు కొత్త వేగాన్ని, లోతును తీసుకొచ్చిందని మోడీ వెల్లడించారు. గతంలో ఇరు పక్షాల భాగస్వామ్యం ప్రధానంగా ఉమ్మడి సంస్కృతి, వారసత్వంపై ఆధారపడి ఉండేదని, ఇప్పుడు డిజిటల్ టెక్నాలజీ, రక్షణ, అంతరిక్షం వంటి కీలక రంగాలకు కూడా విస్తరించిందని వివరించారు.
2014 నుంచి భారత్-ఆసియాన్ దేశాల మధ్య ప్రజల పరస్పర సంబంధాలను బలోపేతం చేసేందుకు 100కు పైగా కార్యక్రమాలను చేపట్టినట్లు తెలిపారు. దాదాపు 250 క్విక్ ఇంపాక్ట్ ప్రాజెక్టులను ప్రారంభించామని, నైపుణ్యాభివృద్ధి కోసం 10 వేలకుపైగా స్కాలర్షిప్లను అందించినట్లు వెల్లడించారు. అలాగే భారత్, ఆసియాన్లోని తొమ్మిది దేశాల మధ్య నేరుగా విమాన సర్వీసులు అందుబాటులో ఉండటం, పర్యాటక రంగం అభివృద్ధి చెందడం ఇరు పక్షాల మధ్య పెరుగుతున్న సన్నిహిత సంబంధాలకు నిదర్శనమని అన్నారు.
భారత్ అభివృద్ధి, ఆసియాన్ దేశాల సమృద్ధి పరస్పరం అనుసంధానమై ఉన్నాయని ప్రధాని మోడీ పేర్కొన్నారు. రాబోయే సంవత్సరాల్లో ‘ఆసియాన్ కమ్యూనిటీ విజన్ 2045’, ‘వికసిత భారత్ 2047’ లక్ష్యాలు ఇరు పక్షాల ఉమ్మడి అభివృద్ధికి కీలక పాత్ర పోషించగలవని అభిప్రాయపడ్డారు. ఈ లక్ష్యాలను సాధించేందుకు భారత్, ఆసియాన్ దేశాలు పరస్పర సహకారంతో ముందుకు సాగాలని పిలుపునిచ్చారు.
గత 12 ఏళ్లలో భారత్-ఆసియాన్ భాగస్వామ్యం కొత్త దిశగా పయనించిందని మోడీ తెలిపారు. ఇప్పుడు ప్రాంత భవిష్యత్తు కోసం కలిసి కొత్త మార్గాన్ని రూపొందించుకోవాల్సిన సమయం వచ్చిందన్నారు. ఆసియాన్ ఐక్యత, ప్రాంతీయ వ్యవహారాల్లో ఆ సంస్థ కీలక పాత్ర (Centrality) పట్ల భారత్ నిబద్ధత ఎప్పటికీ మారదని స్పష్టం చేశారు. ప్రస్తుత సమావేశం భారత్-ఆసియాన్ సమగ్ర వ్యూహాత్మక భాగస్వామ్యాన్ని మరింత ఉన్నత స్థాయికి తీసుకెళ్తుందని విశ్వాసం వ్యక్తం చేశారు.
అలాగే సురక్షితమైన, అందరినీ కలుపుకుపోయే, సుసంపన్నమైన ఇండో-పసిఫిక్ ప్రాంత నిర్మాణానికి ఈ భాగస్వామ్యం దోహదపడుతుందని ప్రధాని మోడీ ఆశాభావం వ్యక్తం చేశారు. ఆసియాన్-భారత్ సంబంధాలు కేవలం వాణిజ్య, ఆర్థిక రంగాలకే పరిమితం కాకుండా రక్షణ, డిజిటల్ టెక్నాలజీ, అంతరిక్షం, విద్య, పర్యాటకం వంటి అనేక రంగాలకు విస్తరిస్తున్నాయి. ఈ నేపథ్యంలో ప్రధాని మోడీ ప్రసంగం ప్రాంతీయ సహకారం, శాంతి, స్థిరత్వం ప్రాధాన్యతను మరోసారి చాటిచెప్పింది.
Sharing my remarks at the 23rd ASEAN-India Summit in Manila. https://t.co/XDyIFZ56N1
— Narendra Modi (@narendramodi) November 17, 2026
తాజావార్తలు
-
ASEAN Summit 2026: ప్రపంచానికి ఇప్పుడు శాంతి, స్థిరత్వమే అత్యవసరం.. ఆసియాన్ సదస్సులో ప్రధాని మోడీ కీలక వ్యాఖ్యలు
-
Rahul Gandhi Reveals Dating Story: తన తల్లిదండ్రులు ప్రేమలో పడిన రెస్టారెంట్కే గర్ల్ఫ్రెండ్ను తీసుకెళ్లిన రాహుల్ గాంధీ.. ఆసక్తికర విషయాలు!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
IPL 2027 Retention Live: రిటెన్షన్ లిస్ట్ ఎప్పుడు ప్రకటిస్తారు?.. లైవ్ స్ట్రీమింగ్ డీటెయిల్స్ ఇవే!
-
Vijaya Dairy Board Emergency Meeting: విజయ డైరీలో కీలక పరిణామం.. రేపటికి వాయిదా పడిన బోర్డు అత్యవసర సమావేశం!
ట్రెండింగ్
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!