Pakistan Blast: పాకిస్థాన్లో భారీ ఆత్మాహుతి దాడి.. 14 మంది మృతి
- స్వాత్లో శాంతి యాత్రను లక్ష్యంగా చేసుకుని పేలుడు
- ఐదుగురు భద్రతా సిబ్బంది సహా తొమ్మిది మంది పౌరులు మృతి
- శాంతి కోసం నిర్వహించిన యాత్రలో విషాదం
- Follow Us :
-
-
Add as a preferred
source on google
Pakistan Suicide Attack 14 Killed: పాకిస్థాన్లోని ఖైబర్ పఖ్తూన్ఖ్వా రాష్ట్రంలో ఆదివారం భారీ పేలుడు సంభవించింది. స్వాత్ జిల్లాలోని కబల్ పట్టణంలో పోలీస్ స్టేషన్ సమీపంలో నిర్వహించిన శాంతి యాత్ర సందర్భంగా ఈ ఘటన చోటుచేసుకుంది. ఈ పేలుడులో 14 మంది ప్రాణాలు కోల్పోగా.. మరో 12 మంది తీవ్రంగా గాయపడ్డారు. మలకండ్ ప్రాంతీయ పోలీస్ అధికారి (RPO) తెలిపిన వివరాల ప్రకారం.. కబల్ పోలీస్ స్టేషన్ సమీపంలో శాంతి ర్యాలీ కొనసాగుతున్న సమయంలో ఈ పేలుడు జరిగింది. మృతుల్లో ఐదుగురు పోలీసులు, తొమ్మిది మంది పౌరులు ఉన్నారు. ప్రాథమిక దర్యాప్తు ప్రకారం ఇది ఆత్మాహుతి దాడి అయి ఉండొచ్చని అధికారులు అనుమానిస్తున్నారు. అయితే దాడి ఆత్మాహుతి దాడేనని అధికారికంగా ఇంకా నిర్ధారించలేదు. ఈ ఘటనకు సంబంధించి దాడి చేసిన వ్యక్తి లేదా సంస్థ వివరాలు కూడా ఇంకా వెల్లడికాలేదు.
శాంతి కోసం నిర్వహించిన యాత్రలో విషాదం
స్వాత్ అమన్ జిర్గా ఆధ్వర్యంలో ఈ శాంతి యాత్రను నిర్వహించారు. స్వాత్ ప్రాంతంలో గత కొంతకాలంగా భద్రతా పరిస్థితులు ఆందోళనకరంగా మారడంతో స్థానిక ప్రజలు శాంతి, భద్రత కోసం ఈ కార్యక్రమాన్ని చేపట్టారు. పెద్ద సంఖ్యలో ప్రజలు ప్లకార్డులు పట్టుకుని, శాంతి కోసం నినాదాలు చేస్తూ యాత్రలో పాల్గొన్నారు. ఈ సమయంలో ఒక్కసారిగా భారీ పేలుడు సంభవించడంతో అక్కడ తీవ్ర భయాందోళనలు నెలకొన్నాయి.
Also Read
- Trump, Putin, Xi Jinping Meet: ట్రంప్, పుతిన్, జిన్పింగ్ చారిత్రాత్మక భేటీ.. 5 కీలక విషయాలు ఇవే!
- Bangladesh: భారత్ నుంచే చుక్కలు చూపిస్తున్న హసీనా.. బంగ్లాదేశ్లో లాక్డౌన్!
- Asteroids: భూమి వైపు దూసుకొస్తున్న 5 గ్రహశకలాలు.. నాసా 48 గంటల పాటు అలర్ట్!
- Hindu Population: హిందూ జనాభాలో అగ్రస్థానం.. ముస్లిం జనాభాలో రెండో స్థానం.. 2070 నాటి ప్రపంచంలో భారత్లో పరిస్థితి!
క్షతగాత్రులను ఆసుపత్రులకు తరలింపు
పేలుడు సమాచారం అందుకున్న వెంటనే జిల్లా అధికారులు, పోలీసులు, సహాయక బృందాలు సంఘటనా స్థలానికి చేరుకున్నాయి. గాయపడిన వారిని అత్యవసరంగా సమీపంలోని ఆసుపత్రులకు తరలించి చికిత్స అందిస్తున్నారు. భద్రతా దళాలు పేలుడు జరిగిన ప్రాంతాన్ని పూర్తిగా దిగ్బంధించి ఆధారాలను సేకరిస్తున్నాయి. ఘటనకు దారితీసిన పరిస్థితులు, పేలుడి వెనుక ఉన్న వ్యక్తులు లేదా సంస్థలపై దర్యాప్తు కొనసాగుతోంది.
పెరగొచ్చని మృతుల సంఖ్య
పేలుడులో గాయపడిన వారిలో పలువురి పరిస్థితి విషమంగా ఉన్నట్లు స్థానిక అధికారులు తెలిపారు. దీంతో మృతుల సంఖ్య మరింత పెరిగే అవకాశం ఉందని ఆందోళన వ్యక్తమవుతోంది. ఇప్పటివరకు ఈ దాడికి ఏ ఉగ్రవాద సంస్థ కూడా బాధ్యత ప్రకటించలేదు. దాడి వెనుక ఎవరున్నారనే విషయంపై దర్యాప్తు సంస్థలు ఆధారాలను పరిశీలిస్తున్నాయి.
స్వాత్లో పెరుగుతున్న భద్రతా ఆందోళనలు
ఇప్పటికే భద్రతాపరమైన సమస్యలతో ఆందోళన చెందుతున్న స్వాత్ ప్రజల్లో తాజా పేలుడు మరింత భయాన్ని నింపింది. శాంతి కోసం నిర్వహించిన కార్యక్రమాన్నే లక్ష్యంగా చేసుకుని దాడి జరగడం స్థానికుల్లో తీవ్ర ఆందోళనకు కారణమైంది. ఘటన అనంతరం అధికారులు స్వాత్ ప్రాంతంలో భద్రతను మరింత కట్టుదిట్టం చేశారు. అనుమానాస్పద కదలికలపై నిఘా పెంచడంతో పాటు, పేలుడుకు సంబంధించిన పూర్తి వివరాలను వెలుగులోకి తీసుకురావడానికి దర్యాప్తు కొనసాగిస్తున్నారు.
తాజావార్తలు
-
Chanakya Niti: ఈ 5 రకాల మనుషులతో జాగ్రత్త.. చాణక్య నీతి హెచ్చరిక..
-
Tamil Nadu vs AP: తమిళనాడు రహస్యాలు ఏపీకి లీక్? విజయ్ సర్కార్ సంచలన నిర్ణయం.. 15 మంది ఉద్యోగులపై వేటు!
-
Kantar BrandZ 2026: ఎయిర్టెల్ నంబర్ 1.. మరి జియో ఎక్కడ? కాంతార్ 2026 ర్యాంకింగ్స్లో ఆసక్తికర ట్విస్ట్!
-
Ramayana vs Dangal: 2 వేల కోట్లకు చేరువలో ‘రామాయణ’.. ‘దంగల్’ రికార్డు బద్దలు కొట్టాలంటే ఇంకా..!
-
Supreme Court: కావేరీ జలాల వివాదంలో తమిళనాడుకు భారీ ఎదురుదెబ్బ.. పిటిషన్ కొట్టేసిన సుప్రీంకోర్టు
ట్రెండింగ్
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!