చైనాలో భారీ వ‌ర‌ద‌లు: కొట్టుకుపోయిన వంద‌లాది కార్లు…

చైనాలో గ‌త కొన్ని రోజులుగా భారీ వ‌ర్షాలు కురుస్తున్నాయి.  ఈ భారీ వ‌ర్షాల‌కు న‌దులు పొంగిపొర్లుతున్నాయి.  భారీ వ‌ర్షాల కార‌ణంగా పెద్ద ఎత్తున వ‌ర‌ద‌లు సంభ‌వించాయి.  హెన‌న్ ప్రావిన్స్ లో గ‌తంలో ఎప్పుడూ లేనంత‌గా వ‌ర్షాలు కురిశాయి.  హెన‌న్ ప్రావిన్స్‌లోని జెంగ్జౌ న‌గ‌రంలో భారీ వ‌ర్షాలు కురుస్తున్నాయి.  ఈ న‌గ‌రంలో మంగ‌ళ‌వారం రోజున 457.5 మీ.మీ వర్షం కురిసింది.  గ‌త వెయ్యి సంవ‌త్సరాల కాలంలో ఇప్ప‌టి వ‌ర‌కు ఈ స్థాయిలో వ‌ర్షం కుర‌వ‌లేద‌ని అక్క‌డి వాతావ‌ర‌ణ శాఖ తెలియ‌జేసింది.  ఈ భారీ వ‌ర్షాల కార‌ణంగా న‌గ‌రంలో భారీ వ‌ర‌ద‌లు సంభ‌వించాయి.  ఈ వ‌ర‌ద‌ల్లో వంద‌లాది కార్లు కొట్టుకుపోయాయి.  లోక‌ల్ రైళ్లోకి నీరు చేరడంతో ప్ర‌యాణికులు ఇబ్బందులు ప‌డ్డారు.  ఎటు చూసినా వ‌ర‌ద నీరే క‌నిపించ‌డంతో ప్ర‌జ‌లు ఇబ్బందులు ప‌డుతున్నారు. మ‌రో కొన్నిరోజులపాటు వ‌ర్షం కురిసే అవ‌కాశం ఉంద‌ని వాతావ‌ర‌ణ శాఖ స్పష్టం చేసింది.  

Read: ఈ మలయాళ హీరోకు “రంగస్థలం” నచ్చేసిందట !