Epstein Files: ఎప్స్టీన్ ఫైల్స్లో తొలి వికెట్ పడింది. బ్రిటన్ రాజకుటుంబానికి చెందిన మాజీ యువరాజు ప్రిన్స్ ఆండ్రూ( ఆండ్రూ మౌంట్బ్యాటెన్-విండ్సర్)ను గురువారం బ్రిటన్ పోలీసులు అరెస్ట్ చేశారు. గురువారం ఉదయం అరవై ఏళ్ల ఒక వ్యక్తిని అరెస్ట్ చేసినట్లు థేమ్స్ వ్యాలీ పోలీసులు వెల్లడించారు. యూకే చట్టాల ప్రకారం, అతడి పేరును పేర్కొనలేదు. బ్రిటిష్ మీడియా మొత్తం ఆ వ్యక్తి ఆండ్రూయేనని ధ్రువీకరించింది. “జాతీయ మార్గదర్శకాల ప్రకారం, అరెస్టు చేసిన వ్యక్తి పేరును మేము పేర్కొనబోము” అని పోలీస్ ప్రకటన తెలిపింది. సమగ్ర అంచనా తర్వాత ఆయనను అరెస్ట్ చేసినట్లు పోలీసులు వెల్లడించారు.
Read Also: OpenAI vs Anthropic: ప్రధాని మోడీ ముందే.. ఓపెన్ ఏఐ, ఆంథ్రోపిక్ ఏఐ సీఈవోల మధ్య రగడ..
‘‘సమగ్ర అంచనా ప్రకారం, ప్రభుత్వ పదవీకాలంలో దుష్ప్రవర్తన ఆరోపణలపై దర్యాప్తు ప్రారంభించాము’’ అని పేర్కొంది. ఆండ్రూ 2010లో లైంగిక నేరస్తుడి తేలిన జెఫ్రీ ఎప్స్టీన్కు వాణిజ్య నివేదికలు పంపాడని అంచనా వేస్తున్నట్లు పోలీసులు తెలిపారు. ఈ నేరాన్ని దర్యాప్తు చేయడానికి మా భాగస్వాములతో కలిసి పనిచేస్తున్నట్లు యూకే పోలీసులు తెలిపారు.
గురువారం ఉదయం తెల్లవారుజామున ఆరు పోలీసుల కార్లు, 8-10 మంది సాధారణ దుస్తుల్లో ఉన్న అధికారులు సాండ్రిగ్హామ్ ఎస్టేట్లోని వుడ్ ఫామ్కు వచ్చినట్లు రాయిటర్స్ నివేదించింది. ఆండ్రూ 66వ పుట్టిన రోజునే అరెస్ట్ జరగడం గమనార్హం. ఇటీవల విడుదలైన ఎప్స్టీన్ ఫైల్స్లో ఆండ్రూ ఒక అమ్మాయిపై ఉన్నట్లు ఫోటోలు విడుదలయ్యాయి. మహిళ నడుము, వక్షోజాల భాగాలపై చేతులు ఉంచినట్లు ఫోటోలో స్పష్టంగా కనిపిస్తుంది. 2010-11 కాలంలో ఆండ్రూ సింగపూర్, హాంకాంగ్, వియత్నాం సందర్శన వివరాలను, పెట్టుబడి అవకాశాల సీక్రెట్ నివేదికల్ని ఎప్స్టీన్ కు షేర్ చేసినట్లు తాజా డాక్యుమెంట్లు చెబుతున్నాయి. ఈ కాలంలో ఆయన ట్రేడ్ ఎన్వాయ్గా పనిచేశారు.
