OpenAI vs Anthropic: ప్రధాని మోడీ ముందే.. ఓపెన్ ఏఐ, ఆంథ్రోపిక్ ఏఐ సీఈవోల మధ్య రగడ..

OpenAI vs Anthropic: ఓపెన్ ఏఐ vs ఆంథ్రోపిక్ ఏఐ మధ్య వార్ నడుస్తున్నట్లు తెలుస్తోంది. తాజాగా భారత్‌లో జరిగిన ఏఐ ప్రభావ సదస్సులు ఈ ఇద్దరి సీఈవోల మధ్య రగడ కనిపించింది. గ్రూప్ ఫోటో తీసుకునే సమయంలో ప్రధాని నరేంద్ర మోడీ (Narendra Modi)తో పాటు వేదికపై ఉన్న టెక్నాలజీ రంగ ప్రముఖులు అందరూ ఒకరికొకరు చేతులు కలిపి పైకి ఎత్తారు. ఐక్యతకు గుర్తుగా తీసుకున్న ఈ ఫొటోలో మాత్రం ఇద్దరు ప్రముఖులు భిన్నంగా కనిపించారు. ఈ ఇద్దరే ఓపెన్‌ఏఐ సీఈవో సామ్ ఆల్ట్‌మాన్ (Sam Altman), ఆంథ్రోపిక్ ఏఐ డారియో అమోడెయ్ (Dario Amodei). అందరూ ఒకరి చేతులు ఒకరు పట్టుకుని పైకి లేపితే.. ఈ ఇద్దరు మాత్రం తమ తమ చేతులను విడిగా పైకి ఎత్తారు. ఆ చిన్న తేడా కెమెరాలో చిక్కింది. వెంటనే సామాజిక మాధ్యమాల్లో వైరల్ అయింది. కట్ చేస్తే.. నిమిషాల్లోనే వీటిపై అనేక జోకులు, ట్రోల్స్ బయటకు వచ్చాయి. కొందరు ఈ సన్నివేశాన్ని సరదగా తీసుకున్నారు. మరికొందరు దీని వెనుక అసలు కథ గురించి శోధిస్తున్నారు. వాస్తవానికి ఈ ఇద్దరి మధ్య ఉన్న వృత్తిపరమైన పోటీ గురించి ఇప్పటికే టెక్నాలజీ ప్రపంచంలో చర్చ ఉంది.

READ MORE: Pakistan Cricket: బాబర్‌ను తీసేయాలని చెప్తే, నన్నే తీసేశారు.. పాక్ మాజీ సంచలన వ్యాఖ్యలు..

ప్రస్తుతం OpenAI సంస్థ వేగంగా కొత్త ఉత్పత్తులను తీసుకురావడం, ఎక్కువ మందిని ఆకట్టుకునేలా ముందడుగు వేస్తోంది. మరోవైపు Anthropic సంస్థ సైతం భద్రత, బాధ్యతతో వినియోగం వంటి అంశాలపై దృష్టి పెడుతోంది. ఈ రెండు సంస్థల ఆలోచనలు, ఈ కంపెనీల సీఈవోల మధ్య ఉన్న వ్యత్యాసాలు ఆ ఫొటోలో కనిపించాయని చాలా మంది అనుకుంటున్నారు. డారియో అమోడెయ్ ఒకప్పుడు ఓపెన్‌ఏఐలోనే పని చేశారు. ఏఐ వృద్ధిలో తోడ్పాటునందించారు. అక్కడి నుంచి బయటకు వచ్చి తనతో పనిచేసిన కొంతమందితో కలిసి కొత్త సంస్థను ప్రారంభించారు. అప్పటి నుంచి ఈ రెండు సంస్థలు ఏఐ రంగంలో గట్టి పోటీదారులుగా మారాయి. సామాజిక మాధ్యమాల్లో ఈ సంఘటనను కొందరు “ఏఐ కోల్డ్ వార్” అని వ్యాఖ్యానించారు. ఇంకొందరు మాత్రం ఇది కేవలం ఒక సాధారణ క్షణమే తప్ప దీనికి అంత అర్థం వెతకాల్సిన అవసరం లేదంటున్నారు.

READ MORE: Kim: న*గ్నంగా ఊరేగించాడు.. సొంత మామనే కుక్కలతో కరిపించి చంపాడు.. కిమ్‌ కిరాతకం!