Baba Vanga: భూమిపై అణు విపత్తు.. సౌర తుఫానుల తప్పవా..? భయపెడుతున్న బాబా వంగా జ్యోతిష్యం

Baba Vanga: బాబా వంగా.. బల్గేరియాకు చెందిన మహిళ. అమె మరణించినప్పటికీ, ఆమె అంచనా వేసినట్లు భూమిపై కొన్ని సంఘటలు జరుగుతుండటంతో ఆమె జ్యోతిష్యానికి చాలా విలువ ఉంది. బాబా వంగా అసలు పేరు వాంజెలియ పాండేవా డిమిత్రోవా. ఆమె 12వ ఏట తుఫాను కారణంగా కంటి చూపును కోల్పోయింది. ఆమె 1996లో 75 ఏళ్ల వయసులో మరణించారు. అయితే ఆమె మరణం తర్వాత చెప్పిన అంచనాలు నిజమయ్యాయి. ఈ నేపథ్యంలో 2023లో గొప్ప విపత్తులు సంభవించే అవకాశం ఉందని ఆమె వేసిన అంచనాలు అందర్ని కలవరపెడుతున్నాయి.

2023 ముగిసే లోపు అణు విపత్తు భూమిని ముక్కలు చేస్తుందని అంచనా వేసింది. గతంలో ఆమె 9/11 గురించి కూడా అంచనా వేసింది. చివరకు ఆమె ఊహే నిజమైంది. న్యూయార్క్ లోని వరల్డ్ ట్రేడ్ సెంటర్ జంట టవర్స్ పై ఆల్ ఖైదా విమానాలతో దాడులు చేసి కుప్పకూల్చింది.2023లో ఒక పెద్ద అణు విద్యుత్ ప్లాంట్ పేలుడు గురించి ఆమె హెచ్చరించారు. దీని వల్ల ఆసియాలో విషపూరిత మేఘాలు ఏర్పడుతాయని పేర్కొంది.

Read Also: RSS Magazine: మోడీ చరిష్మా, హిందుత్వ మాత్రమే సరిపోవు.. బీజేపీ గెలుపుపై కీలక వ్యాఖ్యలు..

news.com.auలోని ఒక నివేదిక ప్రకారం, పేలుడు వల్ల ఇతర దేశాలు కూడా ప్రభావితం అవుతాయని, ఇది తీవ్రమైన వ్యాధి వ్యాప్తికి దారితీస్తుందని ప్రస్తుతం బాబా వంగా అనుచరులు హెచ్చరిస్తున్నారు. భూమి కక్ష్యలో మార్పు, 2023లో భూమి వాతావరణాన్ని ప్రభావితం చేసేలా సౌర తుఫానులు విరుచుకుపడుతాయని బాబా వంగా అంచనా వేశారని నమ్ముతారు. ఈ ఏడాది ప్రపంచంలోని ఒక సూపర్ పవర్ జీవాయుధాన్ని ఉపయోగిస్తుందని, దీని వల్ల వేల మంది మరణిస్తారని అంచనా వేసింది.

ఇప్పటివరకు బాబా వంగా అంచనాల్లో చాలా వరకు నిజమయ్యాయి. వీటిలో చాలా ప్రధానమైనవిగా కరోనా మహమ్మారి, ప్రిన్సెస్ డయానా మరణం, సోవియట్ యూనియన్ లోని చెర్నోబిల్ అణుదుర్ఘటన గురించి అంచనా వేశారు. ఇవి నిజమయ్యాయి. ఈ నేపథ్యంలోనే ఆమె అంచనాలకు ఎక్కువగా ప్రాధాన్యత ఏర్పడింది.