వరుసగా పెరుగుతూ పోయిన క్రూడాయిల్‌ ధరలు మళ్లీ దిగివస్తున్నాయి… ఉక్రెయిన్‌పై రష్యా దాడుల నేపథ్యంలో పరుగులు పెట్టింది క్రూడాయిల్‌ ధర.. ఇక, మళ్లీ ఇప్పుడు ముడి చమురు ధరలు దిగి వస్తున్నాయి. మంగళవారం రెండు వారాల కనిష్టానికి చేరుకుంది క్రూడాయిల్‌ ధర. ఓ వైపు రష్య-ఉక్రెయిన్‌ మధ్య చర్చలు కొలిక్కి వచ్చే సూచనలు కనిపిస్తున్నాయి. మరోవైపు… రష్యాలో కరోనా కేసులు పెరగడంతో ఆ ప్రభావం ముడి చమురు ధరలపై పడింది. బ్రెంట్‌ క్రూడ్‌ ధర 4 డాలర్లకు పైగా తగ్గింది. ప్రస్తుతం బ్రెంట్‌ క్రూడ్‌ బ్యారెల్‌ 102 డాలర్ల 70 సెంట్లుగా ఉంది. ఈ నెలలో ఒకానొక దశలో బ్రెంట్‌ క్రూడ్‌ ధర 130 డాలర్ల వరకూ వెళ్లింది. అమెరికాలోని వెస్ట్‌ టెక్సాస్‌ ఇంటర్మీడియట్‌ – డబ్ల్యూటీఐ క్రూడ్‌ ఫ్యూచర్స్‌ విలువ వంద డాలర్ల దిగువకు పడిపోయింది. ప్రస్తుతం డబ్ల్యూటీఐ బ్యారెల్‌ 98 డాలర్ల 71 సెంట్లుగా ఉంది.
Read Also: Ukraine Russia War: జెలెన్‌స్కీ కీలక నిర్ణయం
