China swine Flu Case: చైనాలో తొలిసారి మనిషికి స్వైన్ ఫ్లూ A(H1N2)v.. భారత్కు ముప్పు ఎంత?
- చైనాలో తొలిసారి మనిషికి స్వైన్ ఫ్లూ A(H1N2)v
- భారత్లో ఆందోళన అవసరమా?
- Follow Us :
-
-
Add as a preferred
source on google
చైనాలో తొలిసారిగా మనిషిలో స్వైన్ ఇన్ఫ్లుయెంజా A(H1N2)v వైరస్ సోకిన కేసు నమోదైనట్లు సమాచారం. దీంతో జంతువుల నుంచి మనుషులకు వైరస్ వ్యాప్తి చెందే అవకాశాలపై మరోసారి చర్చ మొదలైంది. అయితే ఈ ఒక్క కేసు కారణంగా భారత్లో ప్రజలు భయపడాల్సిన అవసరం లేదని వైద్య నిపుణులు చెబుతున్నారు. చైనాలో ఈ వైరస్ సోకిన వ్యక్తి గతంలో ఎలాంటి అనారోగ్య సమస్యలు లేని 2 సంవత్సరాల 10 నెలల బాలుడు. అతడికి పదేపదే జ్వరం రావడంతో పాటు అకస్మాత్తుగా తీవ్రమయ్యే దగ్గు వచ్చింది.
బాలుడి పరిస్థితి ఎలా ఉంది?
బాలుడికి పలుమార్లు వైద్య చికిత్స అందించినప్పటికీ జ్వరం, దగ్గు తగ్గలేదు. పరిస్థితి మరింత తీవ్రమవడంతో ఆసుపత్రిలో చేర్చారు. పరీక్షల్లో ఇన్ఫ్లుయెంజా A వైరస్ ఉన్నట్లు గుర్తించారు. అదే సమయంలో కఫం పరీక్షలో Haemophilus influenzae అనే బ్యాక్టీరియా ఇన్ఫెక్షన్ కూడా ఉన్నట్లు తేలింది. ఛాతీ CT స్కాన్లో ఊపిరితిత్తుల్లోని గుర్తులు పెరగడంతో పాటు కొంత అస్పష్టంగా కనిపించినట్లు వైద్యులు తెలిపారు. బాలుడికి cefoperazone-sulbactam, oseltamivir, ambroxol, nebulised budesonide వంటి చికిత్సలు అందించారు. అనంతరం జ్వరం తగ్గడంతో పాటు శ్వాస సంబంధిత లక్షణాలు కూడా మెరుగుపడ్డాయి. పూర్తిగా కోలుకున్న తర్వాత బాలుడిని ఆసుపత్రి నుంచి డిశ్చార్జ్ చేశారు.
Also Read
- The Muslim 500 List 2027: ప్రపంచంలో టాప్-500 ముస్లింల జాబితా.. షారూఖ్తో సహా భారత్ నుంచి 22 మంది!
- Imran Khan: ‘‘ప్రాణాలతో తిరిగి రాకపోవచ్చు’’.. నిస్సహాయ స్థితిలో ఇమ్రాన్ ఖాన్ లేఖ!
- Israel Hezbollah: ఓవైపు కొత్త ప్రభుత్వ ఏర్పాటుపై చర్యలు.. హిజ్బుల్లాపై ఇజ్రాయిల్ మెరుపుదాడి!
- Thailand Phuket Fire Accident: థాయ్లాండ్లో ఘోర అగ్నిప్రమాదం.. 11 మంది మృతి, 17 మందికి గాయాలు!
భారతీయులు భయపడాలా?
న్యూఢిల్లీలోని ఆస్తా హాస్పిటల్కు చెందిన ఇంటర్నల్ మెడిసిన్ వైద్యుడు డాక్టర్ ప్రదీక్ కడియన్ ఈ కేసుపై స్పందించారు. స్వైన్ మూలానికి చెందిన ఇన్ఫ్లుయెంజా వైరస్ మనిషిలో గుర్తించడం పర్యవేక్షించాల్సిన విషయమే అయినప్పటికీ, భారతీయులు భయపడాల్సిన అవసరం లేదని ఆయన తెలిపారు. ఇలాంటి వైరస్లు సాధారణంగా పందుల్లో వ్యాప్తి చెందుతాయి. అప్పుడప్పుడు మాత్రమే జంతువుల నుంచి మనుషులకు వ్యాపించే అవకాశం ఉంటుంది. ప్రధానంగా అధికారులు పరిశీలించాల్సిన అంశం వైరస్ ఒక మనిషి నుంచి మరో మనిషికి ఎంత సమర్థవంతంగా వ్యాపించగలదన్నదేనని డాక్టర్ కడియన్ తెలిపారు.
సాధారణ ప్రజలకు తక్షణ ప్రమాదం తక్కువ
పందులతో క్రమం తప్పకుండా సంబంధం లేని సాధారణ ప్రజలకు తక్షణ ప్రమాదం సాధారణంగా తక్కువగానే ఉంటుందని వైద్యుడు పేర్కొన్నారు. అయితే ఇన్ఫ్లుయెంజా వైరస్లు కాలక్రమేణా మార్పులకు లోనయ్యే అవకాశం ఉన్నందున భారత్ అప్రమత్తంగా ఉండాల్సిన అవసరం ఉందన్నారు. ఒక్క మనిషిలో వైరస్ గుర్తించడం వల్ల వెంటనే వ్యాధి వ్యాప్తి లేదా మహమ్మారి ప్రారంభమైందని అర్థం కాదని ఆయన స్పష్టం చేశారు. అసాధారణ ఇన్ఫ్లుయెంజా కేసులను నిరంతరం పర్యవేక్షించడం, వాటిని సకాలంలో గుర్తించి అధికారులకు నివేదించడం ముఖ్యమని చెప్పారు.
పందులతో సంబంధం ఉన్నవారు ఈ లక్షణాలను గమనించాలి
పందులను పెంచే వారు వారు లేదా పశువులతో తరచూ సన్నిహితంగా ఉండేవారు శ్వాస సంబంధిత లక్షణాలపై ప్రత్యేక శ్రద్ధ పెట్టాలి. స్వైన్ ఇన్ఫ్లుయెంజా సహా ఇన్ఫ్లుయెంజా ఇన్ఫెక్షన్లలో సాధారణంగా కనిపించే లక్షణాలు.. జ్వరం, దగ్గు, గొంతు నొప్పి, ముక్కు కారడం, తలనొప్పి, శరీర నొప్పులు, నీరసం, అలసట కొన్నిసార్లు జీర్ణాశయ సంబంధిత సమస్యలు. ఈ లక్షణాలు స్వైన్ ఫ్లూకు మాత్రమే ప్రత్యేకమైనవి కావు. అయితే పందులు లేదా ఇతర పశువులతో సంబంధం ఉన్న వివరాలను వైద్యుడికి తెలియజేయడం రోగ నిర్ధారణలో ఉపయోగపడుతుంది.
ఈ లక్షణాలు ఉంటే వెంటనే వైద్యుడిని సంప్రదించాలి
పందులతో లేదా పశువులతో సన్నిహితంగా ఉన్న తర్వాత తీవ్రమైన శ్వాస సంబంధిత లక్షణాలు కనిపిస్తే వైద్య సలహా తీసుకోవాలని నిపుణులు సూచిస్తున్నారు. ముఖ్యంగా ఈ లక్షణాలు కనిపిస్తే ఆలస్యం చేయకూడదు.. శ్వాస తీసుకోవడంలో ఇబ్బంది, ఛాతిలో అసౌకర్యం, నిరంతరంగా లేదా మరింత తీవ్రమవుతున్న జ్వరం, తీవ్రమైన నీరసం, అయోమయం, ఆరోగ్య పరిస్థితి అకస్మాత్తుగా క్షీణించడం. వైద్యుడిని కలిసినప్పుడు పందులు లేదా పశువులతో జరిగిన సన్నిహిత సంబంధం గురించి తప్పనిసరిగా చెప్పాలి.
తాజావార్తలు
-
Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
-
Dhanush Secret: ప్రపంచానికి తెలియని ధనుష్ సీక్రెట్ లీక్ చేసిన శ్రీలీల!
-
OM Pre Release Event: ఇన్నాళ్లూ వచ్చిన సినిమాలు చేసుకుంటూ వెళ్లా, కానీ ఇప్పుడు రూట్ మార్చా.. శ్రీలీల ఓపెన్ కామెంట్స్!
-
Renu Desai: ‘ఓం’ ప్రీరిలీజ్ ఈవెంట్లో ధనుష్కు సారీ చెప్పిన రేణు దేశాయ్.. ఎందుకంటే?
-
Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!