Canada New PM: కెనడాలో కూడా రాజకీయం హీటెక్కింది. ప్రస్తుత ప్రధాని జస్టిన్ ట్రూడో తన పదవికి రాజీనామా చేయడంతో పాటు లిబరల్ పార్టీ నాయకత్వ బాధ్యతల నుంచి తప్పుకుంటున్నట్లు ప్రకటించాడు. దీంతో కెనడా తదుపరి ప్రధాన మంత్రి ఎవరనేది ప్రస్తుతం ఆసక్తిగా మారింది. ఈక్రమంలోనే లిబరల్ పార్టీ ఓ కీలక ప్రకటనను రిలీజ్ చేసింది. మార్చి 9వ తేదీన తమ పార్టీ కొత్త నాయకుడిని ఎన్నుకుంటుందని లిబరల్స్ ప్రకటించారు. గురువారం నాడు ఈ మేరకు ఓ ప్రకటనను విడుదల చేసింది ఆ పార్టీ.
Read Also: Daaku Maharaaj : నేడు డాకు మహారాజ్ ప్రీ రిలీజ్ ఈవెంట్.. ఎక్కడంటే..?
అయితే, కొత్త నేతను పార్టీ ఎన్నుకున్న తర్వాత పార్టీ అధ్యక్ష పదవికి, ప్రధాన మంత్రి పదవికి కూడా రాజీనామా చేయాలని అనుకుంటున్నాను అని సోమవారం నాడు మీడియాకు ట్రూడో వెల్లడించారు. కొత్త నేతను ఎన్నుకునే వరకు కెనడా పార్లమెంటును సస్పెండ్ చేస్తున్నట్లు పేర్కొన్నాడు. ఈ సస్పెన్షన్ మార్చి 24వ తేదీ వరకూ కొనసాగుతుందన్నారు. ఇక, 2015లో ప్రధానిగా అధికారంలోకి వచ్చిన ట్రూడోకు ఇటీవల సొంత పార్టీ ఎంపీల నుంచే తీవ్ర వ్యతిరేకత వచ్చింది. ఈ క్రమంలో అమెరికా అధ్యక్షుడిగా గెలిచిన డొనాల్డ్ ట్రంప్.. కెనడాపై 25 శాతం పన్నూలు విధిస్తామని వార్నింగ్ ఇచ్చాడు.
Read Also: Anantapur Range DIG: తొక్కిసలాట ఘటనపై ఆధారాలు ఉంటే ఇవ్వండి..
అంతేకాక.. వలసలు, డ్రగ్స్ అక్రమ రవాణాను నిరోధించలేకపోతే అమెరికాలో 51వ రాష్ట్రంగా కెనడా చేరాలంటూ జస్టిన్ ట్రూడోకు అమెరికాకు కాబోయే అధ్యక్షుడు డొనాల్డ్ ట్రంప్ తేల్చి చెప్పాడు. దీంతో ట్రూడోపై మరింత ఒత్తిడి పెరగడంతో.. సొంత పార్టీ నేతలే రిజైన్ చేయాలని డిమాండ్ చేశారు. ఈ క్రమంలోనే ట్రూడో ప్రధాని పదవికి రాజీనామా చేయబోతున్నట్లు ప్రకటించాడు. అయితే, జస్టిన్ ట్రూడో స్థానంలో తదుపరి నాయకుడు ఎవరనే దానిపై సర్వత్రా ఉత్కంఠ కొనసాగుతుంది. తదుపరి ప్రధాని రేసులో భారత సంతతి ఎంపీలతో పాటు పలువురు కీలక నేతలు ఉన్నారు.
