Britney Spears: బ్రిట్నీ స్పియర్స్ వింత ఆచారం.. పెళ్లి ఎలా చేసుకుందంటే..!

ప్రముఖ హాలీవుడ్‌ పాప్‌ సింగర్‌ బ్రిట్నీ స్పియర్స్(42) వింత ఆచారం జరిగించింది. ఏదో ఘన కార్యం చేసినట్లు ఆ విషయాన్ని సోషల్ మీడియాలో పంచుకుంది. తనకు తానుగా వివాహం చేసుకోనున్నట్లు పోస్టు చేసింది. పెళ్లి దుస్తుల్లో ఉన్న ఫొటోలను షేర్ చేసింది. విడాకులు ఇచ్చిన సంవత్సర తర్వాత తనకు తాను పెళ్లి చేసుకున్నట్లు పేర్కొంది. ఈ పోస్టును చూసి ఆమె అభిమానులు షాక్ అయ్యారు. అసలేం జరిగిందంటూ వాకబు చేస్తున్నారు.

ఇది కూాడా చదవండి: Sonam Wangchuk: కేంద్రం హామీతో వాతావరణ కార్యకర్త వాంగ్‌చుక్ దీక్ష విరమణ

ఈ రోజు నాతో నాకే పెళ్లి జరిగింది. మీకిది తెలివి తక్కువ పనిలా అనిపించవచ్చు. కానీ నాకు మాత్రం ఇప్పటివరకు నేను చేసినవాటిలో ఇదొక గొప్ప విషయం అని భావిస్తున్నాను అని ఇన్‌స్టాగ్రామ్‌లో రాసుకొచ్చింది. స్వీయ వివాహం చేసుకున్న బ్రిట్నీస్పియర్‌ను చూసి నెటిజన్లు నోరెళ్లబెడుతున్నారు. బ్రిట్నీ స్పియర్స్‌ మొదటగా చిన్ననాటి స్నేహితుడు జాసన్‌ అలెగ్జాండర్‌ను వివాహం చేసుకుంది. 2004లో వీరి వివాహం జరగ్గా కొద్ది రోజులకే విడిపోయారు. తర్వాత అదే ఏడాది డ్యాన్సర్‌, నటుడు కెవిన్‌ ఫెడెర్‌లైన్‌ను పెళ్లి చేసుకుంది. వీరికి ఇద్దరు కుమారులు సంతానం. అయితే ఈ దాంపత్యం కూడా సజావుగా సాగలేదు. దీంతో 2007లో విడిపోయారు. అనంతరం బ్రిట్నీ.. 2016లో నటుడు సామ్‌ అస్గారితో డేటింగ్‌ చేసింది. 2022లో వీరు పెళ్లి చేసుకోగా గతేడాది విడిపోయారు. ఈ మధ్యే విడాకులు సైతం మంజూరయ్యాయి. మొత్తానికి సంవత్సరం తర్వాత సరికొత్త నిర్ణయంతో అభిమానుల ముందుకు రావడంతో వారంతా ఆశ్చర్యపోతున్నారు.

ఇది కూాడా చదవండి: US: మెక్‌డొనాల్డ్‌ రెస్టారెంట్‌లో ట్రంప్ సందడి.. ఏం చేశారంటే..!