Bangladesh: రేపే బంగ్లాదేశ్ ఎన్నికలు, ఫలితాలు.. సర్వత్రా ఆసక్తి

బంగ్లాదేశ్ సంక్షోభం తర్వాత తొలిసారి పార్లమెంట్ ఎన్నికలు జరుగుతున్నాయి. విద్యార్థుల ఆందోళనతో షేక్ హసీనా ప్రభుత్వం కూలిపోయింది. ఆ సమయంలో పెద్ద ఎత్తున అల్లర్లు జరిగి ప్రాణాలు కోల్పోయారు. ఇటీవల ఒక యువ రాజకీయ నాయకుడు హత్య తర్వాత కూడా భారీ స్థాయిలో ఘర్షణలో జరిగాయి. ఇక ఈ మధ్య అయితే హిందువులే టార్గెట్‌గా మారణహోమం జరుగుతోంది. ఇలాంటి పరిస్థితుల నేపథ్యంలో గురువారం (12-02-2026) బంగ్లాదేశ్ పార్లమెంట్ ఎన్నికలు జరుగుతున్నాయి.

గురువారం ఉదయం 7:30 గంటలకు పోలింగ్ ప్రారంభం అవుతుంది. 300 స్థానాలకు గాను 299 స్థానాలకు ఓటింగ్ జరుగుతుంది. సార్వత్రిక ఎన్నికల పోలింగ్‌తో పాటు బంగ్లాదేశ్ రాజ్యాంగం సవరణకు సంబంధించిన జాతీయ చార్టర్‌పై కూడా ప్రజలు ఓటు వేయనున్నారు.

ఇది కూడా చదవండి: UP: కుటుంబం ఆత్మహత్య కేసులో వెలుగులోకి సంచలన వీడియో.. అసలు మిస్టరీ ఇదే..!

ఇక బంగ్లాదేశ్ ఎన్నికల కమిషన్ ప్రకారం.. పోలింగ్ ముగిసిన వెంటనే కౌంటింగ్ ప్రారంభం కానుంది. సాయంత్రం 4:30 గంటలకు కౌంటింగ్ ప్రారంభం అవుతుంది. పేపర్ బ్యాలెట్‌లతో మాత్రమే ఓటింగ్ నిర్వహిస్తున్నారు. రేపు రాత్రికి లేదా అర్ధరాత్రికి ఫలితాలు వచ్చే అవకాశం ఉంది. శుక్రవారం ఉదయానికి పూర్తి ఫలితాలు వచ్చేయనున్నాయి. హింస, ఉద్రికత్తల నేపథ్యంలో పోలింగ్ కోసం 1 మిలియన్ భద్రతా సిబ్బందిని ఏర్పాటు చేశారు. 5 లక్షల మందితో కౌంటింగ్ నిర్వహించనున్నారు. ఇక అనేక దేశాల నుంచి వచ్చిన 350 మంది విదేశీ పరిశీలకులు ఎన్నికలను పర్యవేక్షించనున్నారు.

ఇది కూడా చదవండి: UP: భార్య చనిపోయిన 2 ఏళ్లకు ‘ఓటీపీ’.. అదిరిపోయే ట్విస్ట్ ఏంటంటే..!