Armenia: ఆర్మేనియా గ్యాస్ స్టేషన్‌లో పేలుడు.. 20 మంది మృతి, 300 మందికి గాయాలు…

Armenia: ఆర్మేనియా, అజర్ బైజాన్ మధ్య తీవ్ర ఉద్రిక్తత నడుస్తోంది. ఈ రెండు దేశాల మధ్య నగర్నో-కారాబఖ్ ప్రాంతం విదాస్పదంగా మారింది. ఈ ప్రాంతంలోని ఆర్మేనియన్లపై అజర్ బైజాన్ దాడులు చేస్తుంది. ఈ నేపథ్యంలో అక్కడి నుంచి తరలివెళ్తున్న ఆర్మేనియన్లు భారీ ప్రమాదం బారిన పడ్డారు. గ్యాస్ స్టేషన్ వద్ద భారీ ప్రమాదం సంభవించడంతో 20 మంది ప్రాణాలు కోల్పోయారు. మరో 300 మంది గాయపడ్డారు.

నాగర్నో-కారాబఖ్ ప్రాంతంలోని ఆర్మేనియా సైనిక బలగాలపై అజర్ బైజాన్ సైన్యం దాడులు జరుపుతోంది. దీంతో పెద్ద ఎత్తున ఆ ప్రాంతం నుంచి ప్రజలు సురక్షిత ప్రాంతాలకు తరలివెళ్తున్నారు. ఇలా వెళ్లే క్రమంలోనే ఓ గ్యాస్ స్టేషన్ వద్ద పేలుడు సంభవించినట్లు అధికారులు వెల్లడించారు. తీవ్రంగా గాయపడిన వారికి చికిత్స అందిస్తున్నట్లు తెలిపారు. సురక్షిత ప్రాంతాలకు వెళ్లేందుకు కార్లు పెద్ద ఎత్తున గ్యాస్ స్టేషన్లు, రోడ్లపై బారులు తీరాయి.

Read Also: Minister Jagadish Reddy: తమిళిసై గవర్నర్ అయ్యే టైంకి తమిళనాడు బీజేపీ రాష్ట్ర అధ్యక్షురాలిగా ఉన్నారు..

స్టెపనాకెర్ట్ నగరం వెలుపల ఉన్న గ్యాస్ స్టేషన్లో పేలుడు సంభవించింది. సోమవారం ఈ పేలుడు సంభవించింది. అజర్ బైజాన్ మిలిటరీ యాక్షన్ వల్ల ఈ ప్రాంతంలోని 13,500 మంది సరిహద్దును దాటి పారిపోయారని ఆర్మేనియా ప్రభుత్వం తెలిపింది. ఆర్మేనియాను నగర్నో కారాబఖ్ ను కలిపే ప్రధాన రహదారిని అజర్ బైజాన్ దళాలు అదుపులోకి తీసుకున్నాయి.

ఆర్మేనియా-అజర్ బైజాన్ మధ్య నగర్నో-కారాబాఖ్ ప్రాంతం వివదాస్పదంగా ఉంది. ఈ రెండు దేశాలు ఈ ప్రాంతంపై పట్టుకోసం పోరాడుతున్నాయి. ముఖ్యంగా ఆర్మేనియాను ఓడించేందుకు టర్కీ, పాకిస్తాన్ వంటి దేశాలు అజర్ జైజాన్ కి మద్దతు తెలపడంతో పాటు సైనిక సాయం అందిస్తున్నాయి. మాజీ సోవియట్ యూనియన్ లో భాగంగా ఉన్న ఈ రెండు దేశాలు ప్రస్తుతం బద్ధ శతృవులుగా ఉన్నాయి.