Suicide: పెళ్లి కావడం లేదని.. రైలు కింద పడి యువకుడి ఆత్మహత్య..

పెళ్లి కావడం లేదని మనస్థాపానికి గురైన ఓ వ్యక్తి రైలు కింద పడి ఆత్మహత్య చేసుకున్నాడు. ఈ ఘటన మేడ్చల్ జిల్లా ఘట్కేసర్ రైల్వే స్టేషన్ దగ్గర్లోని.. మాధవరెడ్డి బ్రిడ్జి సమీపంలో జరిగింది. ఈ ఘటనతో యువకుడి కుటంబంలో విషాద ఛాయలు అలముకున్నాయి. స్థానికుల సమాచారంతో ఘటనా స్థలానికి చేరుకున్న పోలీసులు మృతదేహాన్ని పోస్టు మార్టంకు తరలించారు.

Read Also:Groom Missing: రెండు రోజుల్లో పెళ్లి.. కనిపించకుండా పోయిన వరుడు.. అసలేమైందంటే..

పూర్తి వివరాల్లోకి వెళితే.. వరంగల్ జిల్లా ఆత్మకూరుకు చెందిన నరేష్ (30) అనే యువకుడు హైదరాబాద్ అమీర్ పేట్ లోని ఓ ప్రైవేట్ హాస్టల్ లో ఉంటూ బట్టల షాపులో ఉద్యోగం చేస్తున్నాడు. గత నాలుగేళ్ల నుంచి ఎన్నో సంబంధాలు చూసినప్పటికి ఏ ఒక్కటి కుదరకపోవడంతో.. మానసింగా కుంగిపోయినట్లు కుటుంబసభ్యులు వెల్లడించారు. దీంతో అమీర్ పేట నుంచి ఘట్కేసర్ కు చేరుకున్న నరేష్.. రేపల్లే ఎక్స్ ప్రెస్ కింద పడి ఆత్మహత్యకు పాల్పడ్డాడు. ఈ ఘటనతో యువకుడి కుటంబంలో విషాద ఛాయలు అలముకున్నాయి. ఘటనా స్థలానికి చేరుకున్న రైల్వే పోలీసులు మృతదేహాన్ని పోస్టు మార్టం కోసం గాంధీ ఆసుపత్రికి తరలించారు. అనంతరం కేసు నమోదు చేసుకున్న పోలీసులు విచారణ చేపట్టారు.