వరంగల్ కెయూసి పోలీస్ స్టేషన్ పరిధిలోని గోపాల్ పూర్, కోమటి పల్లి, జవహర్ నగర్ కాలనీలలో పోలీసులు కార్డెన్ అండ్ సెర్చ్ నిర్వహించారు. సెంట్రల్ జోన్ డిసిపి పుష్పారెడ్డి అధ్వర్యంలో హన్మకొండ ఏసిపి జితేందర్ రెడ్డి, కెయూసి, హన్మకొండ, సుబేదారి, మహిళ పోలీస్ స్టేషన్ల ఇన్ స్పెక్టర్లు 15 మంది సబ్ ఇన్ స్పెక్టర్లతో పాటు మరో 72 మంది ఇతర పోలీస్ సిబ్బందితో కలిసి తెల్లవారుజామున పోలీసులు తనిఖీలు చేపట్టారు.
ఈ తనిఖీల్లో 5 బెల్ట్ షాప్స్, ఇద్దరు గుట్కా అమ్మకందారులు, అక్రమ టపాసులు, అక్రమ పెట్రోల్ డీజిల్, 2 గ్యాస్ సిలిండర్ లను పట్టుకున్నారు పోలీసులు. ఏసీపీ జితేందర్ రెడ్డి మాట్లాడుతూ ప్రజలు ట్రాఫిక్ నిబంధనలు పాటించాలని అసాంఘిక కార్యక్రమాలపై పోలీసులకు సమాచారం అందించాలని తెలిపారు.
సెంట్రల్ జోన్ డిసిపి పుష్పారెడ్డి మాట్లాడుతూ ప్రజలు తమ కుటుంబ క్షేమాన్ని దృష్టిలో వుంచుకుని ద్వచక్ర వాహనం నడిపే సమయంలో తప్పని సరిగా హెల్మెట్ ధరించాలన్నారు. ప్రతి వాహనదారుడు తప్పని సరిగా ట్రాఫిక్ నియమనిబంధనలు పాటించాలని సూచించారు. ఈవ్ టీజింగ్, అసాంఘిక కార్యకలాపాలు జరుగుతున్నట్లుగా సమాచారం అందితే తక్షణమే డయల్ 100కు ఫోన్ చేసి సమాచారం అందించాలని కోరారు.