Hyderabad Crime: రౌడీషీటర్ దారుణ హత్య.. కారణం అదేనా?

Rowdy Sheeter Ayaz Attacked By A Group In Hyderabad Old City: హైదరాబాద్ పాతబస్తీలో ఒక రౌడీ షీటర్ దారుణ హత్యకు గురయ్యాడు. ఫలక్‌నుమా పోలీస్ స్టేషన్ పరిధిలోని సంజయ్ గాంధీ నగర్ ప్రాంతంలో కాలాపత్తర్ రౌడీ షీటర్ ఆయాజ్ అలియాస్ అబ్బు మినీ ట్రక్ వాహనం నడుపుకుంటూ వెళ్తుండగా.. గుర్తు తెలియని దుండగులు అతనిపై దాడి చేశారు. తొలుత అతని కళ్లల్లో కారం కొట్టి బయటకు లాగిన దుండగులు.. తమతో తెచ్చుకున్న కత్తులతో విచక్షణారహితంగా పొడిచి చంపారు. అబ్బు చనిపోయాడన్న విషయాన్ని నిర్ధారించుకొని.. అక్కడి నుంచి పారిపోయారు. ఈ ఘటనపై సమాచారం అందుకున్న పోలీసులు.. వెంటనే సంఘటనా స్థలానికి చేరుకొని పరిశీలించారు. క్లూస్ టీంని పిలిపించి, ఆధారాలు సేకరించి, మృతదేహాన్ని శవ పరీక్ష నిమిత్తం ఉస్మానియా మార్చురీకి తరలించారు. అనంతరం హత్య కేసు నమోదు చేసి దర్యాప్తు చేస్తున్నారు.

IT Layoffs Live: ఐటీ రంగంలో తీవ్ర సంక్షోభం.. ఊడుతున్న ఉద్యోగాలు

అబ్బు హత్యకు పాతకక్ష్యలే కారణం అయ్యుండొచ్చని పోలీసులు అనుమానిస్తున్నారు. అబ్బు ఓ హత్య కేసులో నిందితుడిగా ఉన్నాడు. బహుశా అవతలి వర్గానికి చెందిన వారు.. అతడ్ని చంపి, తమ ప్రతీకారం తీర్చుకొని ఉండొచ్చని అధికారులు భావిస్తున్నారు. లేకపోతే అబ్బు మీద మరెవరైనా పగ పెంచుకొని, ఈ దారుణానికి పాల్పడి ఉంటారా? అనే కోణంలోనూ పోలీసులు దర్యాప్తు చేస్తున్నారు. అటు.. ఘటన స్థలాన్ని చార్మినార్ ఏసీపీ రుద్ర భాస్కర్ పరిశీలించారు. కాగా.. అబ్బు మృతితో అతని కుటుంబంలో విషాద ఛాయలు అలుముకున్నాయి. పాతబస్తీలో ఆందోళనకరమైన పరిస్థితులు నెలకొన్నాయి. చుట్టుపక్కల ప్రాంతాల వాళ్లు భయబ్రాంతులకు గురవుతున్నారు. ఈ హత్య పాతబస్తీలో అల్లర్లకు దారితీస్తుందేమోనని భయపడుతున్నారు. అయితే.. అలాంటివి జరగకుండా ఉండేందుకు పోలీసులు తగిన చర్యలు తీసుకుంటున్నారు.

Raviteja: మాస్ మహారాజ పాన్ ఇండియా సినిమా షూటింగ్… నైట్ ఎఫెక్ట్ లో