CRIME: ఢిల్లీకి చెందిన గర్భిణీ యువతిని అత్యంత దారుణంగా హత్య చేశాడు ఆమె లవర్. హర్యానలోని రోహ్తక్లో ఆమె ప్రియుడు, మరో ఇద్దరు కలిసి హత్య చేసి పూడ్చిపెట్టారు. పెళ్లి చేసుకోవాలని పట్టుబట్టడంతోనే ఈ ఘాతుకానికి ఒడిగట్టినట్లు తెలుస్తోంది. ఆమెను అబార్షన్ చేయించుకోవాలని ప్రియుడు ఒత్తిడి తెచ్చినప్పటికీ యువతి వినలేదు. దీంతోనే ఈ హత్యకు పాల్పడ్డాడు.
పశ్చిమ డిల్లీలోని నాంగ్లోయ్కి చెందిన 19 ఏళ్ల సోనియా అనే యువతి సోషల్ మీడియాలో యాక్టివ్గా ఉండేది. ఆమెకు 6 వేలకు పైగా ఫాలోవర్లు ఉన్నారు. ఆమె ప్రియుడు సంజు అకా సలీమ్తో కలిసి ఉన్న ఫోటోలను, వీడియోలను పోస్ట్ చేసినట్లు పోలీసులు తెలిపారు. హర్యానాలోని రోహ్తక్లో ఓ పొలంలో ఆమె మృతదేహాన్ని తవ్వి పాతిపెట్టాడు.
Read Also: Lawrence Bishnoi: లారెన్స్ బిష్ణోయ్ని ఎన్కౌంటర్ చేయాలని డిమాండ్ చేసిన వ్యక్తిపై దాడి?(వీడియో)
ఏడు నెలల గర్భిణి అయిన సోనియా, సలీమ్ని పెళ్లి చేసుకోవాలని కోరిందని పోలీసులు తెలిపారు. అయితే, అతను గర్భాన్ని తీయించుకోవాలని ఆమెపై ఒత్తిడి తెచ్చాడు. ఇందుకు సోనియా ఒప్పుకోలేదు. దీంతో ఇద్దరి మధ్య గొడవలు జరుగుతున్నట్లు తెలిసింది. సోమవారం ఆమె తన ఇంటి నుంచి కొన్ని వస్తువులు తీసుకుని సలీమ్ని కలిసేందుకు వెళ్లింది. ఆ తర్వాత సలీమ్, సోనియాను హత్య చేశాడు.
సోనియా కనిపించకుండా పోవడంతో అక్టోబర్ 23న ఢిల్లీ పోలీసులకు ఫిర్యాదు అందింది. ఈ కేసులో నిందితుడిని అరెస్ట్ చేశారు. విచారణలో నేరం అంగీకరించినట్లు పోలీసులు తెలిపారు. ఈ హత్యలో తన స్నేహితులు రితిక్, పంకజ్ పాల్గొన్నట్లు నిందితుడు సలీమ్ చెప్పాడు. కర్వా చౌత్ రోజే ఈ హత్య జరిగింది. సోనియాని నిందితులు నంగ్లోయ్ ప్రాంతంలో కలుసుకున్నారు. ఆ తర్వాత కారులో రోహ్తక్ వెళ్లారు. అక్కడ ఆమె గొంతు కోసి చంపేసి, ఆ రాత్రి తర్వాత ఢిల్లీకి తిరిగి వచ్చారు. రోహ్తక్ అడవుల్లో ఆమె మృతదేహాన్ని పాతిపెట్టారు. సలీమ్తో పాటు అతడికి సహకరించిన వారిలో ఒకరిని అరెస్ట్ చేశారు, మరొకరు పరారీలో ఉన్నారు.
