Bihar Scam: ‘‘పిల్లలు లేని మహిళలని గర్భవతిని చేయండి, రూ.10 లక్షలు పొందండి’’..

Big Scam: ‘‘పిల్లలు లేని మహిళల్ని గర్భవతిగా చేయడం.’’ ఇదే ఓ ముఠా నినాదం. బీహార్‌కి చెందిన ముఠాను అక్కడి పోలీసులు అరెస్ట్ చేశారు. నవాడా జిల్లాలోని నార్డిగంజ్ సబ్‌డివిజన్‌లోని కహురా గ్రామంలో ఈ స్కామ్ జరిగింది. సైబర్ స్కామర్లు ‘‘ఆల్ ఇండియా ప్రెగ్నెంట్ జాబ్ సర్వీస్’’ని నడిపారు. దీని ద్వారా వారు కస్టమర్లను ఆకర్షించి, వారిని బ్లాక్‌మెయిల్ చేసినట్లు పోలీసులు తెలిపారు.

Read Also: Mahindra XUV 3XO: వామ్మో.. ఆ కారు కావాలంటే ఏడాది కాలం ఆగాల్సిందేనా?

ఆఫర్ ప్రకారం.. మహిళల్ని గర్భవతిని చేస్తే దానికి బదులుగా రూ. 10 లక్షలు ఇస్తామని ప్రజల్ని ప్రలోభపెట్టినట్లు పోలీసులు తెలిపారు. ఒక వేళ ఇది విఫలమైతే, కస్టమర్లు రూ. 50,000 నుంచి రూ. 5 లక్షల వరకు ఇస్తారని నమ్మించినట్లు పోలీసులు తెలిపారు. ఈ కేసులో ముగ్గురు వ్యక్తులను అరెస్ట్ చేసినట్లు వెల్లడించారు. వీరు ఆల్ ఇండియా ప్రెగ్నెంట్ జాబ్ సర్వీస్, ప్లే బాయ్ సర్వీస్ ని కూడా నిర్వహిస్తున్నట్లు తేలింది.

‘‘ఈ ముఠా ముందుగా ఫేస్‌బుక్ ద్వారా ప్రకటనలు ఇస్తారు. ఆ తర్వాతా చాలా మంది వీరికి కాల్ చేస్తారు. రిజస్ట్రేషన్ పేరుతో ఈ వ్యక్తులకు కస్టమర్లకు సంబంధించిన పాన్ కార్డ్స్, ఆధార్ కార్డ్స్, సెల్ఫీని అడుగుతారు. రిజస్ట్రేషన్స్, హోటల్ బుకింగ్స్ పేరుతో ఈ ప్రలోభాల ఉచ్చులో పడే వ్యక్తుల నుంచి డబ్బు వసూలు చేస్తారు’’ అని డీఎస్పీ ఇమ్రాజ్ పర్వేజ్ తెలిపారు. అరెస్టయిన వారిని ప్రిన్స్ రాజ్, భోలా కుమార్, రాహుల్ కుమార్‌గా గుర్తించారు. నిందితుల నుంచి 6 మొబైల్స్ స్వాధీనం చేసుకున్నారు, వీటిలో కస్టమర్ల ఫోటోలు, ఆడియో రికార్డింగ్స్, బ్యాంక్ లావాదేవీల సమాచారాన్ని సేకరించారు.