బర్త్డే వేడుకల్లో గొడవ.. బీరు బాటిళ్లతో ఒకరిపై ఒకరు దాడి
- Follow Us :
-
-
Add as a preferred
source on google
జన్మదిన వేడుకల్లో ఇద్దరి స్నేహితుల మధ్య గొడవ తారా స్థాయికి చేరి ఒకరిపై ఒకరూ బీరు బాటిళ్లతో దాడులు చేసుకునే వరకు వెళ్లింది. సాయి రెడ్డి అనే యువకుడిని తోటి స్నేహితుడు బీరు సీసాలతో కొట్టగా తీవ్ర గాయాలపాలయ్యాడు. ఈ ఘటన మేడ్చల్ జిల్లా జగద్గిగిరిగుట్ట పోలీస్ స్టేషన్ పరిధిలో చోటు చేసుకుంది. ఎల్లమ్మ బండలో నివసించే శివ తన జన్మదిన వేడుకలను అంబీర్ చెరువు కట్ట కింద గురువారం రాత్రి తన స్నేహితులతో కలిసి నిర్వహించాడు.
ఈ వేడుకల్లో వారంతా మద్యం సేవించారు. మద్యం మత్తులో మాటా మాటా పెరిగింది. ఈక్రమంలో సాయిరెడ్డి అనే యువకుడిపై మిగిలిన యువకులు బీరు బాటిళ్లతో దాడి చేయడంతో అతడికి తీవ్ర గాయాలయ్యాయి. ప్రస్తుతం అతడు ఓ ఆస్ప్రతిలో చికిత్స పొందుతున్నాడు. కాగా ఈ ఘటన ఆలస్యంగా వెలుగులోకి వచ్చింది. పోలీసులు దీనిపై కేసు నమోదు చేసుకుని దర్యాప్తు చేస్తున్నట్టు తెలిపారు.