Atms Chori: రెండు ఏటీఎంలలో చోరీకి విఫలయత్నం

హైదరాబాద్ లో దొంగలు రెచ్చిపోతున్నారు. అర్దరాత్రి రెండు ఏటీఎంలలో చోరీకి విఫలయత్నం చేశారు. పోలీసులు అప్రమత్తం కావడంతో దొంగలు పారిపోయారు. మాదన్నపేట్ పోలీస్ స్టేషన్ పరిధిలో అర్దరాత్రి ఎస్ బి ఐ బ్యాంక్ ఏ టీ ఎంతో పాటు యాక్సిస్ బ్యాంక్ ఏటీఎంలలో చోరికి ప్రయత్నించారు దొంగలు.

దోబీఘాట్ లోని జయ్ హింద్ హోటల్ సమీపంలో ఉన్న రెండు ఏటీఎంలలోకి ప్రవేశించారు ఇద్దరు గుర్తు తెలియని వ్యక్తులు. అర్దరాత్రి ఏటీఎం సెంటర్ లోకి ప్రవేశించి చోరీకి ప్రయత్నించారు. ఏటీఎం మిషన్ లను బ్రేక్ చేయగానే సెక్యూరిటీ అలారం మోగింది. దీంతో అక్కడి నుండి ఇద్దరు వ్యక్తులు పరారయ్యారు. సీసీ కెమెరాలలో రికార్డు అయిన దృశ్యాలతో రంగంలోకి దిగారు పోలీసులు. సమాచారం అందుకున్న పోలీసులు హుటాహుటిన సంఘటన స్థలానికి చేరుకున్నారు. మాదన్నపేట పోలీసులు క్లూస్ టీం ద్వారా రంగంలోకి దిగారు. కేసు నమోదు చేసుకొని సీసీ కెమెరాల ఆధారంగా దర్యాప్తు జరుపుతున్నారు.

https://ntvtelugu.com/bus-accident-at-tirupati-ghat-road/