స్మార్ట్ ఫోన్ల వలన ఎంతోమంది తప్పుదారి పడుతున్నారు. చిన్నా, పెద్ద అని తేడా లేకుండా అందరు స్మార్ట్ ఫోన్లకు అడిక్ట్ అవుతున్నారు. ఇక ఇటీవల కరోనా వలన పిల్లలందరికీ స్మార్ట్ ఫోన్లు అవసరంగా మారిపోవడంతో తల్లిదండ్రులు సైతం వారికి ఫోన్లను కొనిస్తున్నారు . అయితే వారు మాత్రం ఫోన్ లను చదువుకోవడానికి కాకుండా గేమ్స్ కోసం, అశ్లీల వీడియోలను చూడడానికి ఉపయోగిస్తున్నారు. తాజాగా ఒక 13 ఏళ్ల బాలుడు అశ్లీల వీడియోలకు అలవాటు పడి మూడేళ్ల బాలికపై అఘాయిత్యని ఒడిగట్టిన ఘటన ఉత్తరప్రదేశ్ లో వెలుగు చూసింది.
వివరాలలోకి వెళితే.. కాన్పూర్ కి చెందిన ఒక జంట వ్యవసాయ పనులు చేసుకొంటూ బతుకుతుంది.. వారికి మూడేళ్ల పాప ఉంది. వారింటి పక్కనే ఒక 13 ఏళ్ల బాలుడు కుటుంబంతో కలిసి నివసిస్తున్నాడు. అతడికి ఆన్లైన్ క్లాసులకు తల్లిదండ్రులు స్మార్ట్ ఫోన్ కొనిచ్చారు. బాలుడు మాత్రం క్లాసులు పూర్తయ్యాకా ఫోన్ లో అశ్లీల వీడియోలు చూడడం మొదలుపెట్టాడు. అలా వాటికి బానిసగా మారాడు. ఈ నేపథ్యంలోనే సోమవారం సాయంత్రం పక్కింటి చిన్నారిని ఇంటిముందు ఆడుకోవడం చూసి.. ఆమెకు చాక్లెట్ ఇస్తానని చెప్పి ఇంట్లోకి రమ్మన్నాడు. చిన్నారి వెళ్ళాక ఆమెపై అత్యాచారం చేశాడు.
అనంతరం చిన్నారి ఇంటికి ఏడుస్తూ వెళ్లడం .. నొప్పిగా ఉందని తల్లికి చెప్పడంతో అస్సలు విషయం బయటపడింది. దీంతో చిన్నారి తల్లిదండ్రులు పోలీసులకు ఫిర్యాదు చేశారు. అప్పటికే బాలుడు పరారు కావడంతో అతని ఫోన్ ని పోలీసులు స్వాధీనం చేసుకొని చూడగా ఫోన్ నిండా అశ్లీల వీడియోలు కనిపించాయి. వాటి ప్రభావంతోనే బాలుడు ఈ అఘాయిత్యానికి ఒడిగట్టినట్లు పోలీసులు గుర్తించారు. బాధితుల ఫిర్యాదు మేరకు బాలుడిపై పోక్సో చట్టం కింద కేసు నమోదు చేసి అతడి కోసం గాలింపు చర్యలు చేపట్టారు.