షియోమీ నుంచి మరో కొత్త స్మార్ట్‌ ఫోన్‌..!

ఎప్పటికప్పుడు కొత్త మోడల్స్‌ ..కొత్త ఫీచర్స్‌ తో మార్కెట్లో దూసుకుపోయే షియోమీ సరికొత్త స్మార్ట్‌ ఫోన్‌ను మార్కెట్లోకి వదిలింది. షియోమీ 11 Lite NE స్మార్ట్ ఫోన్ వినియోగదారులకు అందుబాటులోకి వచ్చింది. షియోమీ 11 T, షియోమీ 11 T Pro లతో పాటు ఈ వారం ప్రారంభంలో ప్రపంచ వ్యాప్తంగా ఈ ఫోన్ రిలీజైంది. MI 11 Lite కు అప్‌గ్రేడెడ్ వెర్షన్‌గా ఇది మార్కెట్లోకి వచ్చింది.

ఇక దీని స్పెసిఫికేషన్స్‌ చూస్తే ..డాల్బీ విజన్ సపోర్ట్, క్వాల్‌కాం స్నాప్‌డ్రాగన్ 778జీ ప్రాసెసర్, 5జీ వంటి ఫీచర్లను ఈ లెటెస్ట్ వర్షన్‌లో చూడొచ్చు. ఆండ్రాయిడ్ 11 ఆధారిత MIUI 2.5 ఆపరేటింగ్ సిస్టంపై ఇది పనిచేస్తుంది. 6.5 అంగుళాల ఫుల్ హెచ్‌డీ+ 10-బిట్ ఫ్లాట్ ట్రూ కలర్ అమోఎల్ఈడీ డిస్‌ప్లే ఉంటుంది. స్క్రీన్ రిఫ్రెష్ రేట్ 90 Hertz. 8 జీబీ వరకు ర్యామ్, 256 జీబీ వరకు స్టోరేజ్ కలిగి వుంటుంది.

కెమెరాల విషయానికి వస్తే.. వీటిలో ప్రధాన కెమెరా సామర్థ్యం 64 మెగాపిక్సెల్, దీంతోపాటు 8 మెగాపిక్సెల్ అల్ట్రా వైడ్ యాంగిల్ షూటర్, 5 మెగాపిక్సెల్ టెలిమాక్రో షూటర్ ఉన్నాయి. సెల్ఫీలు, వీడియో కాల్స్ కోసం ముందువైపు 20 మెగాపిక్సెల్ కెమెరా ఉంటుంది.

దీని బ్యాటరీ సామర్థ్యం 4250 MAHకాగా, 33W ఫాస్ట్ చార్జింగ్‌ను కూడా ఇది సపోర్ట్ చేయనుంది. 4జీ ఎల్టీఈ, వైఫై 6, బ్లూటూత్ వీ5.2, జీపీఎస్/ఏ-జీపీఎస్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు ఇందులో ఉండనున్నాయి. 5జీ, ఎన్ఎఫ్‌సీ, ఇన్‌ఫ్రారెడ్(ఐఆర్) బ్లాస్టర్ వంటి ఫీచర్లు కూడా షియోమీ అందించింది.

షియోమీ 11 లైట్ 5జీ ఎన్ఈ ధర 27,499 రూపాయలు. అయితే దీపావళి కానుకగా అక్టోబర్‌ 2 నుంచి 7 వరకు ధరను 1,500 రూపాయలు తగ్గిస్తోంది. అంటే 27,499 రూపాయల ఫోన్‌ 25,499 రూపాయలకే అందుతుంది. అలాగే దీనికి బ్యాంక్‌ ఆఫర్‌ ద్వారా 2 వేల రూపాయల క్యాష్‌ బ్యాక్‌ పొందవచ్చు.

యూరోప్‌లో ఈ ఫోన్‌కు సంబంధించిన 6 జీబీ ర్యామ్ + 128 జీబీ స్టోరేజ్ వేరియంట్ ధరను 349 యూరోలు ..అంటే దాదాపు 30 వేల 200గా నిర్ణయించారు. 8 జీబీ ర్యామ్ + 128 జీబీ స్టోరేజ్ వేరియంట్ ధర 399 యూరోలు.. అంటే సుమారు 34వేల 500 రూపాయలుగా ఉంది.