Ratan Tata: రతన్ టాటా పరిచయం అవసరం లేని పేరు.. టాటా గ్రూప్ను రూపొందించిన రతన్ టాటా.. వ్యాపారంలోనే కాదు సామాజిక సేవలోనే ఎంతో పేరు పొందారు.. ఆయనకు సోషల్ మీడియాలో పెద్ద అభిమానుల ఫాలోయింగ్ను కూడా కలిగి ఉన్నారు.. ఆయన అనేక త్రోబాక్ పోస్ట్లను పంచుకుంటూ ఉంటారు.. అయితే, ‘టాటా ఇండికా’ను ప్రారంభించిన 25 సంవత్సరాలు అవుతోన్న సందర్భాన్ని పురస్కరించుకుని.. ఓ భావోద్వేగ పోస్టును చేశారు టాటా.. ఇండికాతో ఉన్న ఒక చిత్రాన్ని పంచుకున్న ఆయన.. “ఇరవై ఐదు సంవత్సరాల క్రితం, టాటా ఇండికాను ప్రారంభించడం భారతదేశ స్వదేశీ ప్యాసింజర్ కార్ల పరిశ్రమకు పుట్టుక. ఇది మధురమైన జ్ఞాపకాలను తిరిగి తెస్తుంది.. నా హృదయంలో ప్రత్యేక స్థానాన్ని కలిగి ఉంది” అంటూ రాసుకొచ్చారు..
Read Also: Virat Kohli: శ్రీలంకపై కోహ్లీ సెంచరీ.. నమోదైన రికార్డులివి.. వరల్డ్లోనే తొలి ఆటగాడిగా..
ఇండికా టాటా మోటార్స్ ప్యాసింజర్ వాహన విభాగాన్ని ప్రారంభించింది. భారతదేశంలో రూపొందించబడిన మరియు అభివృద్ధి చేయబడిన ఈ కారు 1998లో ప్రారంభించబడింది.. ఇండిగో నుండి విస్టా మరియు మాంజా మోడళ్ల వరకు కంపెనీ శ్రేణిలో అనేక చిన్న కార్లకు కూడా తర్వాత కాలంలో వచ్చాయి.. ఈ వాహనం ప్రారంభించిన రెండు సంవత్సరాలలో విజయవంతమైంది. దాని ఫీచర్లు మరియు అందుబాటు ధరల కారణంగా త్వరలో ఇష్టపడే బ్రాండ్గా మారిపోయింది.. అయితే, ఇరవై సంవత్సరాల తర్వాత, టాటా మోటార్స్ ఈ విభాగంలో గట్టి పోటీని ఎదుర్కొన్న తర్వాత 2018లో కాంపాక్ట్ హ్యాచ్బ్యాక్ ఉత్పత్తిని నిలిపివేసింది.
ఇక, టాటా ఇండికాపై రతన్ టాటా చేసిన పోస్ట్ వైరల్గా మారింది, కేవలం ఐదు గంటల వ్యవధిలో 18 లక్షలకు పైగా లైక్లను సంపాదించింది. పారిశ్రామికవేత్తల మాదిరిగానే, టాటా ఇండికాను తమ కుటుంబ కారుగా కలిగి ఉన్న వారి జ్ఞాపకాలను పంచుకుంటున్నారు.. టాటా కేవలం బ్రాండ్ కాదు! ఇది భారతదేశ భావోద్వేగాలు అంటూ కామెంట్ పెడుతున్నారు.. నిజంగా, భారతీయులమైన మన కోసం చాలా అందమైన కారు తయారు చేయబడింది. మా నాన్న తన మొదటి తరం ఇండికాను 1998లో పొందారు, నా వయస్సు కేవలం ఒక సంవత్సరం. తరువాత, మేము దీనిని 2005లో ఇండికా V2తో అప్గ్రేడ్ చేశామని ఒక నెటిజన్ కామెంట్ చేశారు.. ఇది నాకు మరియు మరికొందరికి మాత్రమే కారు కాదు.. ఇందులో చాలా భావోద్వేగాలు, భావాలు ఉన్నాయి.. ఆహ్ ది ఐకానిక్ ఇండికా అంటూ ఇంకొకరు.. మోర్ కార్ పర్ కార్ అనే ట్యాగ్లైన్ ఇప్పటికీ గుర్తుంచుకోండి. మీపై మాకు అపారమైన గౌరవం మరియు ప్రేమ ఉంది, సర్ రతన్ టాటా అంటూ మరొకరు.. ఇలా ఇండికాతో తమకు ఉన్న అనుబంధాన్ని పంచుకుంటున్నారు..
Instagramలో ఈ పోస్ట్ని వీక్షించండి
