తన యూజర్లకు ఎట్టకేలకు శుభవార్త చెప్పింది ప్రముఖ టెలికం సంస్థ ఎయిర్టెల్.. కొత్త ఫీచర్ను అందుబాటులోకి తెచ్చింది. రిలయన్స్ జియో వంటి స్మార్ట్ మిస్డ్ కాల్ అలర్ట్ ఫీచర్ని అందిస్తోంది.. మీరు ప్రీపెయిడ్ లేదా పోస్ట్పెయిడ్ యూజర్ అయినప్పటికీ ఎయిర్టెల్ ఈ స్మార్ట్ మిస్డ్ కాల్ ఫీచర్ని అందరికీ అందిస్తోంది. దీనిపై ఆనందాన్ని వ్యక్తం చేస్తున్న యూజర్లు.. ఎయిర్టెల్ను అభినందిస్తున్నారు. రిలయన్స్ జియో వినియోగదారులు చాలా కాలంగా ఈ ఫీచర్ని ఉపయోగిస్తున్నారు. ఇది గొప్ప ఫీచర్ మరియు వారి సిమ్ నెట్వర్క్ కవరేజీలో లేనప్పుడు మిస్డ్ కాల్ గురించి ప్రజలకు తెలియజేస్తుంది.
Read Also: Cyber Attacks: నుపుర్ శర్మ ఎఫెక్ట్,, భారత్పై సైబర్ ఎటాక్స్..
ఎయిర్టెల్ వినియోగదారులు ఇకపై ఏదైనా మిస్డ్ కాల్స్ గురించి ఆందోళన చెందాల్సిన అవసరం ఉండదు.. వినియోగదారులను అప్రమత్తం చేయడానికి ఎయిర్టెల్ వారికి ఎస్ఎంఎస్ పంపిస్తుంది.. యూజర్లు ఎయిర్టెల్ థాంక్స్ యాప్ని సందర్శించి, మిస్డ్ కాల్ అలర్ట్ల విభాగంలో అప్డేట్ చేసుకోవాల్సి ఉంటుంది… ప్రీపెయిడ్ లేదా పోస్ట్పెయిడ్ యూజర్ అయినప్పటికీ, ఎయిర్టెల్ ఈ స్మార్ట్ మిస్డ్ కాల్ ఫీచర్ని అందరికీ అందిస్తోంది. యాక్టివ్ వాయిస్ కాలింగ్ కనెక్షన్ ఉన్న వారికి, వారు కొనుగోలు చేసిన ప్లాన్ తో సంబంధం లేకుండా ఫీచర్ పని చేస్తుంది.