బ్రిటన్, అమెరికా, కెనడా ఇలా ఏ దేశానికి వెళ్లినా అక్కడి భారతీయ రెస్టారెంట్ ను చూసినప్పుడల్లా మనం గర్వపడుతుంటాం. ఈ రెస్టారెంట్లు, పలు అంశాల్లో విదేశాల్లో భారతీయులు మంచి పేరు సంపాదించుకుంటున్నారు. భారతదేశంలో ఉపాధి అవకాశాలు తక్కువగా ఉన్నాయని భావిస్తుంటారు. అయితే బాగా పరిశీలిస్తే ఇక్కడ కూడా అవకాశాలు ఉన్నాయి. అలాంటిదే ఫ్రాన్స్కు చెందిన ఓ వ్యక్తి కథ. ఈ కథ గురించి ఇప్పుడు తెలుసుకుందాం… ఫ్రాన్స్కు చెందిన నికోలస్ గ్రాస్మీ భారతదేశంలో పారిశ్రామికవేత్తగా మారాడు. బెంగళూరులో ఫుడ్ చైన్ ప్రారంభించి కోట్లాది రూపాయలు సంపాదిస్తున్నాడు. అతను పారిస్ పాణిని అనే శాండ్విచ్ బ్రాండ్ను నడుపుతున్నాడు. బెంగళూరులో అతడికి చాలా రెస్టారెంట్లు ఉన్నాయి. శాండ్విచ్లు విక్రయిస్తూ ఏటా రూ.50 కోట్లు సంపాదిస్తున్నాడు.
చదువు కోసం ఇండియాకు..
ఇటీవల, గ్రోత్ఎక్స్ అనే యూట్యూబ్ ఛానెల్లో నికోలస్ తన ప్రయాణం గురించి చెప్పాడు. తాను ఫ్రాన్స్లోని సాధారణ కుటుంబం నుంచి వచ్చానని తెలిపాడు. 22 సంవత్సరాల వయస్సులో మాస్టర్స్ డిగ్రీని అభ్యసించడానికి భారతదేశానికి వచ్చాడు. తన తల్లిదండ్రులు టీచర్లని వీడియోలో చెప్పాడు. తన తల్లికి వంట చేయడంలో సహాయం చేసేవాడు. దీంతో అతనిలో వంట పట్ల మక్కువ పెరిగింది. భారతదేశంలో చదువు పూర్తయిన తర్వాత.. 2015 సంవత్సరంలో ఫుడ్ ట్రక్ ద్వారా వ్యాపారాన్ని ప్రారంభించాడు. ఈరోజు వారికి బెంగళూరులో 8 డైనింగ్ అవుట్లెట్లు, 7 క్లౌడ్ కిచెన్లు ఉన్నాయి.
అనేక రకాల శాండ్విచ్లు..
నికోలస్కి చిన్నప్పటి నుంచి శాండ్విచ్లంటే ఇష్టం. ఈ కారణంగానే అతను ఈ వ్యాపారం ప్రారంభించాడు. అంతే కాకుండా.. నికోలస్ వీడియోలో తన వ్యాపారం యొక్క ఆర్థిక శాస్త్రాన్ని కూడా వివరించాడు. మొత్తం ఆదాయంలో ఆహార వ్యయం వాటా 28 శాతంగా ఉందన్నారు. 10 శాతం డబ్బు అద్దె చెల్లించడానికి ఖర్చు అవుతుంది. మొత్తంలో 35 శాతం జీతం, అడ్మిన్ కోసం ఖర్చు చేస్తారు. 10 శాతం మార్కెటింగ్కు ఖర్చు చేస్తారు. మిగిలిన 15 శాతం లాభం.
నెలకు రూ.4 కోట్లు సంపాదన..
నికోలస్ తన నెలవారీ ఆదాయం రూ. 4 కోట్లు అంటే సంవత్సరానికి రూ. 50 కోట్లు. ఎక్కువ విక్రయాలు ఆన్లైన్లోనే జరుగుతాయి. దాదాపు 70 శాతం ఆన్లైన్లోనే కొనసాగుతోంది. మిగిలిన 30 శాతం విక్రయాలు ఆఫ్లైన్లో ఉంటుంది.
