Ugadi 2026: చైత్రం నుంచి ఫాల్గుణం వరకు.. ఈ ఏడాది పెళ్లిళ్లు, వ్యాపార గృహప్రవేశాలకు శుభ ముహూర్తాలివే!

Ugadi 2026: తెలుగు రాష్ట్రాల న్యూ ఇయర్ ఉగాది. ఆంధ్రప్రదేశ్, తెలంగాణ, కర్ణాటకలో ఎంతో ఉత్సాహంగా జరుపుకునే ప్రధాన పండుగ ఉగాది. 2026లో ఉగాది మార్చి 19, గురువారం నాడు, శ్రీ పరాభవ నామ సంవత్సరంలో వచ్చింది. ఈ పండుగ ప్రకృతి మార్పులను, కొత్త ఆశలను సూచిస్తుంది. ఇక చైత్రం మొదలుకుని ఫాల్గుణం వరకూ పన్నెండు నెలలున్నాయి. చాంద్రమానాన్ని అనుసరించి చైత్రమాసంలో సమశీతోష్ణకాలమైన వసంత ఋతువు ఆరంభమవుతుంది. జగత్తంతా చైతన్యవంతమయ్యే కాలమిది. మన బుద్ధి కూడా వికాసం పొందుతుంది. చిత్త నక్షత్రంతో దేహం చైతన్యవంతమవుతుందని ఆయుర్వేదం చెబుతోంది. ఏడాదిలో అత్యంత ఉత్సాహభరితమైన మాసం చైత్రమాసం. అందుకే ఉగాదినాడు ఆరు రుచులతో స్వాగతం పలుకుతాం. ఇక శ్రీ పరాభవ నామ సంవత్సరంలో పెళ్లి ముహూర్తాలు, శుభ ముహూర్తాల గురించి తెలుసుకుందాం..

READ MORE: JR. NTR : యంగ్ టైగర్ బర్త్ డే స్పెషల్.. టోని మరోసారి వస్తున్నాడు..

ఈ పరాభవ నామ సంవత్సరంలో వివాహాలు, గృహారంభం, గృహప్రవేశం, ఉపనయనం, అన్నప్రాశన, వ్యాపార ప్రారంభం వంటి శుభకార్యాలకు అనుకూలమైన ముహూర్తాలు చైత్ర మాసం నుంచి ఫాల్గుణ మాసం వరకు వివిధ తేదీల్లో వస్తాయి. పంచాంగం ప్రకారం.. చైత్ర మాసంలోని మార్చి 27న వ్యాపారానికి, మార్చి 28న ఉపనయనం, వ్యాపార, గృహారంభం (భూమి పూజ)కు అనుకూలంగా ఉంటుంది. వైశాఖ మాసంలో ఏప్రిల్ 26 వివాహం, గృహ ప్రవేశానికి అద్భుత ముహూర్తం ఉంది. ఏప్రిల్ 29న వివాహానికి అనువైన ముహూర్తంగా పంచాంగం చెబుతోంది. మే 1 – వివాహం, గృహారంభం; మే 3 – వ్యాపారం, గృహ ప్రవేశం.. మే 6 నుంచి 11 వరకు (అనేక వివాహ ముహూర్తాలు) ఉన్నాయి. నిజ జ్యేష్ఠ మాసంలో అంటే.. జూన్ 17 నుంచి జులై 9 వరకు వివాహాలు, గృహప్రవేశాలు అద్భుత ముహూర్తాలు ఉన్నాయి. శ్రావణ మాసంలోని ఆగస్టు 15, 16, 20, 22 వివాహ ముహూర్తాలు ఉన్నాయి. కార్తిక మాసం: నవంబర్ 12 నుంచి 22 వరకు అనేక వివాహ ముహూర్తాలు ఉన్నాయి. మాఘ మాసంలో 2027 ఫిబ్రవరి 7 నుంచి ఫిబ్రవరి 27 వరకు పెళ్లిళ్లకు అనువుగా ఉండనుంది. ఫాల్గుణ మాసం అంటే 2027 మార్చి 10 నుంచి ఏప్రిల్ 2 వరకు వివాహ, గృహప్రవేశ, వ్యాపార ప్రారంభాలకు ఎంతో అనుకూలంగా ఉంటుంది.

READ MORE: Pre Wedding Shoot: ముదురుతున్న పిచ్చి.. ఫ్రీ-వెడ్డింగ్ షూటింగ్ కోసం ఓ జంట ఎంత పని చేసిందంటే..!