Sabarimala : తెరుచుకున్న శబరిమల అయ్యప్ప ఆలయం
- Follow Us :
-
-
Add as a preferred
source on google
మండల-మకరవిళక్కు సీజన్ కోసం శబరిమల అయ్యప్ప ఆలయ తలుపులు తెరుచుకున్నాయి. శరణు ఘోషలతో శబరిగిరులు మార్మోగుతున్న వేళ, ఈసారి యాత్రకు వచ్చే భక్తులకు ట్రావెన్కోర్ దేవస్వం బోర్డు (TDB) ఒక ఊహించని, కీలకమైన భరోసాను అందిస్తోంది. కేవలం దర్శన ఏర్పాట్లే కాకుండా, భక్తుల ప్రాణాలకు రక్షణ కల్పిస్తూ ఏకంగా రూ. 2 లక్షల ఉచిత ప్రమాద బీమా సౌకర్యాన్ని అందుబాటులోకి తెచ్చింది. శబరిమల యాత్రకు వచ్చే భక్తులలో వర్చువల్ క్యూ (Virtual Queue) ద్వారా ముందస్తుగా టికెట్లు బుక్ చేసుకునే వారందరికీ ఈ రూ. 2 లక్షల బీమా కవరేజీ వర్తిస్తుంది. యాత్ర సమయంలో ఏదైనా అనుకోని ప్రమాదం జరిగితే ఈ బీమా ఆర్థిక భరోసాగా నిలుస్తుంది. భక్తులు దర్శనం కోసం బుక్ చేసుకున్న తేదీకి ఒక రోజు ముందు నుండి ప్రారంభమై, మొత్తం మూడు రోజుల పాటు ఈ బీమా రక్షణ అమలులో ఉంటుంది. వర్చువల్ క్యూ బుకింగ్ చేసుకునే సమయంలోనే భక్తులు తమ నామినీ వివరాలను నమోదు చేయాల్సి ఉంటుంది.
గతంలో ప్రసాదాల కొరతతో భక్తులు ఇబ్బంది పడిన సందర్భాలను దృష్టిలో ఉంచుకుని, ఈసారి దేవస్థానం శాఖ పక్కా ప్రణాళికతో సిద్ధమైంది. భక్తుల కోసం ఏకంగా 50 లక్షల అరవాణ ప్రసాదం డబ్బాలను ముందుగానే సిద్ధం చేశారు. ప్రసాదాల కోసం గంటల తరబడి వేచి ఉండకుండా అదనంగా మరో 5 కౌంటర్లను ఏర్పాటు చేయడంతో, మొత్తం కౌంటర్ల సంఖ్య 22కు చేరింది. సన్నిధానంలో ప్రసాదం తీసుకోలేని వారి కోసం, భక్తులు కోరితే పోస్టు ద్వారా నేరుగా వారి ఇంటికే అరవాణ పంపించే ప్రత్యేక ఏర్పాట్లు కూడా చేశారు. చిల్లర సమస్యలు లేకుండా అరవాణ, కానుకల కౌంటర్ల వద్ద పూర్తిస్థాయి డిజిటల్ పేమెంట్ వ్యవస్థను తీసుకొచ్చారు. అభిషేకాల కోసం ఇప్పటికే 5,000 లీటర్ల నెయ్యిని సన్నిధానానికి చేర్చగా, మరో 5,000 లీటర్లు త్వరలోనే అందుబాటులోకి రానుంది.
Also Read
- Koti Deepotsavam 2026: అంగరంగ వైభవంగా కోటి దీపోత్సవం.. మూడో రోజు విశేష కార్యక్రమాలు ఇవే..!
- Koti Deepotsavam 2026 Day 2: అంగరంగ వైభవంగా తిరుచెందూరు శ్రీసుబ్రహ్మణ్యస్వామి కల్యాణం.. రెండో రోజు విశేషాలివే..!
- Bhakthi TV Koti Deepotsavam Day 2 LIVE : తిరుచెందూరు శ్రీ సుబ్రహ్మణ్య స్వామి కల్యాణం
- Koti Deepotsavam Day 2: కోటి దీపోత్సవం రెండో రోజు విశేష పూజలు.. అంగరంగ వైభవంగా సుబ్రహ్మణ్య స్వామి కల్యాణం
తంత్రి కాంతర్ బ్రహ్మదత్త సమక్షంలో కొత్త మేల్శాంతి (ప్రధాన పురోహితుడు) ఇ.డి. ప్రసాద్ నంబూతిరి గర్భగుడిలో జ్యోతి ప్రజ్వలన చేసి ఆలయాన్ని ప్రారంభించారు. మలికప్పురం మేల్శాంతిగా ఎ. దామోదరన్ నంబూతిరి బాధ్యతలు చేపట్టనున్నారు. ప్రతిరోజూ 80,000 మంది భక్తులకు దర్శన భాగ్యం కల్పించనున్నారు (ఇందులో 66,000 మందికి వర్చువల్ క్యూ ద్వారా, 14,000 మందికి స్పాట్/లైవ్ బుకింగ్ ద్వారా అవకాశం ఉంటుంది). రేపు తెల్లవారుజామున 3 గంటలకు మండల పూజ యాత్ర అధికారికంగా మొదలవుతుంది. డిసెంబర్ 27న మండల పూజ, 2027 జనవరి 14న మకరవిళక్కు మహా ఉత్సవం అత్యంత వైభవంగా జరగనున్నాయి. తొలిరోజు కావడంతో పంబ, సన్నిధానం వద్ద రద్దీ సాధారణంగా ఉన్నప్పటికీ, రానున్న రోజుల్లో ఇతర రాష్ట్రాల నుండి భక్తుల తాకిడి భారీగా పెరిగే అవకాశం ఉందని అధికారులు అంచనా వేస్తున్నారు.
తాజావార్తలు
-
Sabarimala : తెరుచుకున్న శబరిమల అయ్యప్ప ఆలయం
-
Amitabh Bachchan: ‘‘బుల్లెట్ ప్రూఫ్ కూడా కాపాడదు’’.. అమితాబ్ బచ్చన్కు గ్యాంగ్స్టర్ బెదిరింపులు..
-
Israel Hezbollah: ఓవైపు కొత్త ప్రభుత్వ ఏర్పాటుపై చర్యలు.. హిజ్బుల్లాపై ఇజ్రాయిల్ మెరుపుదాడి!
-
Surya Kumar Yadav: టీమ్లోకి మళ్లీ సూర్యకుమార్ యాదవ్..? బ్యాటింగ్లో మరోసారి విధ్వంసం..
-
Bollywood : ఒకవైపు రణ్వీర్ సింగ్, మరోవైపు రణ్బీర్ కపూర్.. స్టార్ పవరా? సీక్వెల్స్ క్రేజా?
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!