Daily Horoscope Thursday: మేష రాశి వారికి ఈరోజు బాకీలు వసూలు చేసుకోవడంపై దృష్టి ఉంటుంది. విద్యార్థులకు లక్ష్యాలు పెరుగుతాయి, కుటుంబంలో చర్చలు జరిగే అవకాశం ఉంది. శ్రీరామ నామ జపం వీరికి శుభప్రదం. వృషభ రాశి వారు పెద్దల సలహాలు తీసుకోవాలి. ఆర్థిక లావాదేవీల్లో జాగ్రత్త అవసరం. వీరు సుదర్శనాష్టక పారాయణం చేయడం మంచిది. మిధున రాశి వారికి భాగస్వాములతో సంబంధాలు బలపడతాయి. ఆర్థిక లాభాలు కలుగుతాయి. వెంకటేశ్వర స్వామి గోవింద నామాలు పఠించడం వీరికి మేలు చేస్తుంది. కర్కాటక రాశి వారు పోటీ పరీక్షల్లో విజయం సాధిస్తారు. అప్పుల బాధల నుంచి ఉపశమనం లభిస్తుంది. వీరు శివాలయంలో బిల్వార్చన చేయడం ఉత్తమం.
సింహ రాశి వారు నూతన ప్రణాళికలు రూపొందిస్తారు కానీ ఆర్థికంగా మిశ్రమ ఫలితాలు ఉంటాయి. వీరు వేంకటేశ్వర స్వామి మంగళాశాసనం పారాయణ చేయాలి. కన్యా రాశి వారు కుటుంబ సౌకర్యాల కోసం ఖర్చు చేస్తారు. విలువైన వస్తువుల పట్ల జాగ్రత్త వహించాలి. సరస్వతీ స్తోత్రం వీరికి రక్ష. తులా రాశి వారు ఆరోగ్య విషయాల్లో, ఆర్థిక నిర్ణయాల్లో ఆచితూచి వ్యవహరించాలి. దేవీ ఖడ్గమాల స్తోత్ర పారాయణం వీరికి సూచించబడింది. వృశ్చిక రాశి వారికి విందు వినోదాలు, కుటుంబ సంతోషాలు ఉంటాయి. వీరు కార్తికేయ స్తోత్రం చదువుకోవడం మంచిది. ప్రముఖ ఆధ్యాత్మిక ఛానల్ ‘భక్తి టీవీ’లో శ్రీ రాయప్రోలు మల్లికార్జున శర్మ గారు నేటి దిన ఫలాలు అందించారు.