Skoda Kylaq : ఈ కారు క్రేజ్ వేరే లెవెల్.. స్కోడా కైలక్‌ బుకింగ్స్ మళ్లీ ప్రారంభం..

భారత దేశ ఆటోమొబైల్​ మార్కెట్​లోని ఎస్‌యూవీ సెగ్మెంట్​లో ఇటీవలే లాంచ్​ అయిన స్కోడా కైలాక్​ సంచలనాలు సృష్టిస్తోంది. గతేడాది డిసెంబర్‌లో బుకింగ్స్ ప్రారంభమయ్యాయి. 10 రోజుల్లోనే 10,000కు పైగా బుకింగ్స్‌ను సాధించి రికార్డు బద్ధలు గొట్టింది. గతంలో ఈ కారు బేస్ వేరియంట్ కోసం కస్టమర్ల నుంచి అత్యధిక బుకింగ్స్ రావడంతో కంపెనీ వెంటనే బుకింగ్‌లను తీసుకోవడం ఆపివేసింది. ఈ కాంపాక్ట్ ఎస్​యూవీ డెలివరీలు జనవరి 27 నుంచి ప్రారంభమయ్యాయి. ఈ నేపథ్యంలో కంపెనీ కస్టమర్లకు శుభవార్త చెప్పింది. ఇప్పుడు కైలాక్ యొక్క క్లాసిక్ వేరియంట్ బుకింగ్ మళ్లీ ప్రారంభమైందని కంపెనీ తెలియజేసింది. ఈ ఎస్‌యూవీ ప్రారంభ ఎక్స్-షోరూమ్ ధర రూ.7.89 లక్షలు. విశేషమేమిటంటే.. డెలివరీ ప్రారంభమైనా కూడా ప్రస్తుతం దీని వెయిటింగ్ పీరియడ్ 4 నెలలకు చేరుకుంది. ఈ ఏడాది మే నాటికి మొదటి దశలో 33,000 యూనిట్ల కైలక్‌ను డెలివరీ చేయాలని కంపెనీ యోచిస్తోంది.

READ MORE: MP Prasada Rao: రాష్టానికి ఏమీ అడిగినా కేంద్రం సహకరిస్తుంది..

ఈ కారుకు ఎందుకు ఇంత క్రేజ్ అంటే తక్కువ ధరలో ఎక్కువ ఫీచర్లను కలిగి ఉండటం! ముఖ్యంగా స్కోడా కైలాక్ 25 కంటే ఎక్కువ భద్రతా ఫీచర్లను కలిగి ఉంది. భారత్ ఎన్సీఏపీ క్రాష్ టెస్ట్ లో స్కోడా కైలాక్ 5 స్టార్ రేటింగ్ సాధించింది. ఆరు ఎయిర్ బ్యాగులు, హాట్ స్టాంప్డ్ స్టీల్ ప్యానెల్స్, యాంటీ లాక్ బ్రేకింగ్ సిస్టమ్, ఎలక్ట్రానిక్ బ్రేక్ డిస్ట్రిబ్యూషన్, స్టెబిలిటీ కంట్రోల్, ట్రాక్షన్ కంట్రోల్ అమర్చారు. వీటితో పాటు మల్టీ కొలిషన్ బ్రేక్, ఎలక్ట్రానిక్ డిఫరెన్షియల్ లాక్, బ్రేక్ డిస్క్ వైపింగ్, రోల్ ఓవర్ ప్రొటెక్షన్, టైర్ ప్రెజర్ మానిటరింగ్ సిస్టమ్, హై స్పీడ్ అలర్ట్స్, సెంట్రల్ లాకింగ్, సీట్ బెల్ట్ ప్రీటెన్షన్స్, రిమైండర్స్, రియర్ పార్కింగ్ సెన్సార్లు ఉన్నాయి. హై ఎండ్ వేరియంట్లలో హిల్ హోల్డ్ కంట్రోల్, యాంటీ థెఫ్ట్ అలారం, రియర్ పార్కింగ్ కెమెరా తదితర
ఫీచర్స్ కస్టమర్లను ఆకట్టుకుంటున్నాయి.

READ MORE: Forest and Revenue Officials Joint Committee: పెద్దిరెడ్డి భూ ఆక్రమణలు..! అటవీ, రెవెన్యూ శాఖల విచారణ ప్రారంభం..

స్కోడా కైలాక్ ఫీచర్లు
స్కోడా కైలాక్ 1.0 లీటర్ 3 సిలిండర్​ టీఎస్ఐ పెట్రోల్ యూనిట్​తో పనిచేస్తుంది. ఈ ఎస్​యూవీలో డిజిటల్ ఇన్​స్ట్రుమెంట్ క్లస్టర్, 10.1-ఇంచ్​ టచ్​స్క్రీన్ ఇన్ఫోటైన్​మెంట్ సిస్టమ్​తో వస్తుంది. ఇది వైర్​లెస్ యాపిల్ కార్​ప్లే, ఆండ్రాయిడ్ ఆటోను సపోర్ట్ చేస్తుంది. ఈ ఫీచర్లు టాప్​ 2 ట్రిమ్ స్థాయిలతో మాత్రమే అందుబాటులో ఉండగా, మిడ్ స్పెక్ సిగ్నేచర్ వేరియంట్ 5 ఇంచ్​ టచ్​స్క్రీన్​, సెమీ-డిజిటల్ ఇన్​స్ట్రు మెంట్ ప్యానెల్​ని పొందుతుంది. బేస్ క్లాసిక్ వేరియంట్ అనలాగ్ ఇన్​స్ట్రుమెంట్ క్లస్టర్, ఇన్ఫోటైన్మెంట్ సిస్టమ్​ని పొందుతుంది.