రికార్డు సృష్టించిన MG Majestor.. రైలును లాగి గిన్నిస్ బుక్‌లో స్థానం!

MG Majestor World Record: JSW MG మోటార్ ఇండియా నుండి రాబోయే SUV MG మాజెస్టర్ కారు ప్రీ-లాంచ్ దశలోనే సంచలనం సృష్టిస్తూ గిన్నిస్ వరల్డ్ రికార్డ్స్‌ లో చోటు సంపాదించింది. కారు పవర్, ఇంజినీరింగ్ సామర్థ్యాన్ని చూపుతూ ఈ SUV రైలును సునాయాసంగా లాగేసిందంటే నమ్మండి. మార్చి 31న జమ్మూ కాశ్మీర్‌ లోని కాకపోరా–అవంతిపోరా మధ్య ప్రత్యేకంగా సిద్ధం చేసిన రైల్వే ట్రాక్‌పై ఈ ప్రయోగం నిర్వహించారు. ఈ సందర్భంగా MG మాజెస్టర్ ఏకంగా 406.4 టన్నుల బరువున్న రైలును 300 అడుగులకుపైగా లాగింది.

Athidi Release: ‘అతిథి’ రీ-రిలీజ్.. సాహసోపేతమైన నిర్ణయం, వర్కౌట్ అవుతుందా?

గిన్నిస్ ప్రమాణాల ప్రకారం కనీసం 400 టన్నులు, 100 అడుగుల దూరం అవసరం ఉండగా.. ఈ SUV కారు వాటిని సులభంగా అధిగమించింది. దీంతో SUV ద్వారా రైలును లాగిన ప్రపంచంలోనే అతిపెద్ద రికార్డుగా నమోదయ్యింది. ఈ ఫీట్‌లో ముఖ్యమైన విషయం ఏమిటంటే.. ఈవెంట్ లో ఉపయోగించిన వాహనం పూర్తిగా స్టాండర్డ్ ప్రొడక్షన్ కారు మాత్రమే. ఎలాంటి ఇంజిన్, డ్రైవ్‌ట్రెయిన్ లేదా ట్రాక్షన్ మార్పులు చేయకుండా ఈ ఘనత సాధించింది. ఈ MG Majestor లో WAG-9HC లోకోమోటివ్, ప్యాసింజర్ కోచ్‌లు, గార్డ్ కోచ్ ఉన్న రైలు పూర్తిగా SUV శక్తితోనే కదిలిందని నిపుణులు ధృవీకరించారు.

పవర్‌ట్రెయిన్, ఫీచర్స్:
MG మాజెస్టర్లో 2.0 లీటర్ ట్విన్-టర్బో డీజిల్ ఇంజిన్ ఉంటుంది. ఇది 215bhp పవర్, 478.5Nm టార్క్ ఉత్పత్తి చేస్తుంది. 8-స్పీడ్ ఆటోమేటిక్ ట్రాన్స్‌మిషన్‌తో ఈ ఇంజిన్ జతచేయబడింది. ఈ SUVలో ట్రిపుల్ డిఫరెన్షియల్ లాక్స్ (ఫ్రంట్, రియర్, సెంటర్), అడ్వాన్స్‌డ్ 4WD సిస్టమ్, మల్టిపుల్ టెర్రెయిన్ మోడ్స్, క్రాల్ కంట్రోల్ వంటి ఫీచర్లు ఉన్నాయి. ఆఫ్-రోడ్ సామర్థ్యాల విషయంలో కూడా ఇది బలంగా నిలుస్తుంది. 219mm గ్రౌండ్ క్లియరెన్స్, 810mm వరకు వాటర్ వాడింగ్ కెపాసిటీతో ఈ SUV ఫుల్-సైజ్ సెగ్మెంట్‌లో గట్టి పోటీ ఇవ్వనుంది.

RR vs RCB: ఆర్ఆర్ మ్యాచ్‌కు ముందు ఆర్సీబీకి బిగ్ షాక్.. భువీ-వైభవ్ పోరు కోసం ఆసక్తిగా ఫాన్స్!

MG మాజెస్టర్ను ప్రీమియం D+ సెగ్మెంట్ SUVగా పొజిషన్ చేస్తున్నారు. ఇది కంపెనీ ప్రస్తుత ఫ్లాగ్‌షిప్ మోడల్ MG Gloster కంటే పై స్థాయిలో ఉంటుంది. ఇప్పటికే రూ.41,000తో ప్రీ-బుకింగ్స్ ప్రారంభమయ్యాయి. ప్రారంభ వినియోగదారులకు 5 ఏళ్ల అన్‌లిమిటెడ్ కిలోమీటర్ వారంటీ, ఫ్రీ రోడ్‌సైడ్ అసిస్టెన్స్, ప్రాధాన్యత డెలివరీలు, ప్రత్యేక డ్రైవింగ్ అనుభవాలు వంటి ప్రయోజనాలు అందించనున్నారు.

MG Majestor pulls off something big. Literally.

India’s first D+ SUV sets a Guinness World Record by towing a 406.4 tonne train over 300 feet on a railway track in Jammu & Kashmir — using a stock production vehicle with no modifications.

Powered by a 2.0L twin-turbo diesel… pic.twitter.com/dqHwefWczq

— RushLane (@rushlane) April 10, 2026