Kia Seltos GTX(O): కియా సెల్టోస్ రెండు కొత్త వేరియంట్లు రిలీజ్.. Level 2+ ADAS, అదిరిపోయే ఫీచర్లు, ధర ఎంతంటే?

దేశీయ మార్కెట్లో ప్రముఖ SUVలలో ఒకటైన Kia Seltos మరింత ప్రీమియంగా మారింది. కియా ఇండియా తన మిడ్-సైజ్ SUV Seltosను రెండు కొత్త వేరియంట్లు – GTX(O), X-Line(O)తో అప్‌డేట్ చేసింది. ఈ కొత్త వేరియంట్లలో అధునాతన Level 2+ ADAS, కొత్త భద్రతా ఫీచర్లు, ప్రీమియం ఇంటీరియర్, ఆధునిక టెక్నాలజీని అందించింది. భద్రత, సౌకర్యం, ప్రీమియం డిజైన్ కోరుకునే వినియోగదారులను దృష్టిలో ఉంచుకుని ఈ వేరియంట్లను రూపొందించింది.

కొత్త వేరియంట్లలో ప్రత్యేకత ఏమిటి?

కొత్త GTX(O) వేరియంట్‌లో అత్యాధునిక Level 2+ ADAS (Advanced Driver Assistance Systems) అందించారు. సాధారణ GTX వేరియంట్‌లో 21 భద్రతా ఫీచర్లు ఉండగా, GTX(O)లో మొత్తం 28 అధునాతన భద్రతా ఫీచర్లు ఉన్నాయి.

వాటిలో ముఖ్యమైనవి:

జంక్షన్ క్రాసింగ్ అసిస్ట్
ఆన్‌కమింగ్ లేన్ చేంజ్ అసిస్ట్
సైడ్ లేన్ చేంజ్ అసిస్ట్
ఎవేసివ్ స్టీరింగ్ అసిస్ట్
12.3-అంగుళాల పూర్తి డిజిటల్ ఇన్‌స్ట్రుమెంట్ క్లస్టర్
హెడ్-అప్ డిస్‌ప్లే (HUD)
వన్-టచ్ ఆటో పవర్ విండోలు
రియర్ డాష్‌క్యామ్
రెయిన్-సెన్సింగ్ వైపర్లు

Kia Seltos X-Line(O)లో ఏముంది?

X-Line(O) వేరియంట్‌లో GTX(O)లోని అన్ని ఫీచర్లతో పాటు మరిన్ని ప్రీమియం కాస్మెటిక్ అప్‌డేట్‌లు ఉన్నాయి.

మ్యాట్ గ్రాఫైట్ ఎక్స్‌టీరియర్ ఫినిష్
డ్యూయల్-టోన్ ప్రీమియం ఇంటీరియర్
18-అంగుళాల అలాయ్ వీల్స్
ప్రత్యేక X-Line స్టైలింగ్ ఎలిమెంట్స్
ఈ మార్పులతో X-Line(O) మరింత స్టైలిష్, ప్రీమియం లుక్‌ను అందిస్తుంది.

ఇంజిన్, పనితీరు

రెండు కొత్త వేరియంట్లు రెండు ఇంజిన్ ఎంపికల్లో అందుబాటులో ఉంటాయి.

1.5-లీటర్ టర్బో పెట్రోల్
గరిష్ట పవర్: 160 hp
ట్రాన్స్‌మిషన్: 7-స్పీడ్ DCT ఆటోమేటిక్
1.5-లీటర్ డీజిల్
గరిష్ట పవర్: 116 hp
ట్రాన్స్‌మిషన్: 6-స్పీడ్ టార్క్ కన్వర్టర్ ఆటోమేటిక్
ఈ రెండు ఇంజిన్లు మెరుగైన పనితీరు, ఇంధన సామర్థ్యం, సౌకర్యవంతమైన డ్రైవింగ్ అనుభవాన్ని అందించేలా రూపొందించారు.

Kia Seltos కొత్త వేరియంట్ల ధర

కియా ఇండియా కొత్త వేరియంట్లను ఈ ధరలకు విడుదల చేసింది (ఎక్స్-షోరూమ్):

Kia Seltos GTX(O) – రూ. 19.99 లక్షల నుంచి
Kia Seltos X-Line(O) – రూ. 20.70 లక్షల నుంచి