Vizag Adventure Sports : వైజాగ్ టూరిజంలో సరికొత్త థ్రిల్.. అదరగొడుతున్న సాహస క్రీడలు.!
- ఋషికొండలో పారాసైలింగ్, పారామోటరింగ్ థ్రిల్
- కైలాసగిరిలో స్కై సైక్లింగ్తో గాల్లో సాహసం
- గ్లాస్ స్కై వాక్పై గుండెల్లో రైళ్లు పరిగెత్తించే అనుభవం
- వైజాగ్ టూరిజంలో అడ్వెంచర్ స్పోర్ట్స్ కొత్త హవా
- Follow Us :
-
-
Add as a preferred
source on google
పర్యాటక ప్రియులకు కేరాఫ్ అడ్రస్గా నిలిచే సిటీ ఆఫ్ డెస్టినీ ‘విశాఖపట్నం’ ఇప్పుడు అడ్వెంచర్ స్పోర్ట్స్ (సాహస క్రీడలు) హబ్గా మారుతోంది. కేవలం ప్రశాంతమైన సముద్ర తీరాలు, కొండల అందాలను చూసి ఆస్వాదించడమే కాకుండా, మైండ్ బ్లాక్ అయ్యే రేంజ్లో సాహసాలు చేయాలనుకునే పర్యాటకుల కోసం వైజాగ్ సరికొత్త క్రీడలను అందుబాటులోకి తెచ్చింది. విశాఖలోని ప్రముఖ పర్యాటక ప్రాంతాలైన ఋషికొండ, కైలాసగిరి కొండలపై పర్యాటకులను విశేషంగా ఆకట్టుకుంటున్న ఆ క్రేజీ అడ్వెంచర్ల విశేషాలు ఇప్పుడు చూద్దాం.
ఋషికొండ బీచ్.. సముద్రపు అలలపై సాహసాలు
విశాఖలోనే కాకుండా దేశవ్యాప్తంగా ఎంతో గుర్తింపు తెచ్చుకున్న ఋషికొండ బీచ్ ఇప్పుడు సాహస క్రీడలకు ప్రధాన కేంద్రంగా మారింది. ఇక్కడ పర్యాటకుల కోసం పారామోటరింగ్, పారాసైలింగ్ వంటి అద్భుతమైన క్రీడలు అందుబాటులో ఉన్నాయి. మోటార్ సహాయంతో పనిచేసే ఒక మినీ హెలికాప్టర్ లాంటి పారామోటరింగ్ ఎక్కి ఆకాశంలో పక్షిలా ఎగురుతూ, పైనుండి నీలిరంగు సముద్రపు అందాలను చూడటం పర్యాటకులకు ఒక మరువలేని అనుభూతిని ఇస్తుంది. అలాగే వేగంగా దూసుకెళ్లే బోటు సహాయంతో గాలిలోకి ఎగిరే పారాసైలింగ్ కూడా ఇక్కడ ఎంతో పాపులర్ అయింది. వీటితో పాటు సర్ఫింగ్, సముద్ర గర్భంలోకి వెళ్లి వింతలను చూసే స్కూబా డైవింగ్ , కయాకింగ్ వంటి క్రీడలు అడ్వెంచర్ లవర్స్కు ఇక్కడ ఫుల్ ఎంటర్టైన్మెంట్ను అందిస్తున్నాయి. అంతర్జాతీయ స్థాయిలో భద్రతా ప్రమాణాలు పాటించడం వల్లే ఋషికొండ బీచ్కు ప్రతిష్టాత్మక ‘బ్లూ ఫ్లాగ్’ గుర్తింపు లభించింది.
Also Read
- TDP : ఏపీలో 7 డిప్యూటీ మేయర్లు, 59 వైస్ చైర్పర్సన్ల జాబితా విడుదల..
- YS Sharmila : బెంగళూరులో హైడ్రామా.. యలహంక ఇంటికి వెళ్లేందుకు షర్మిల, విజయమ్మ ప్రయత్నం
- AP Panchayat Elections: పంచాయతీ ఎన్నికలపై చంద్రబాబు ఫోకస్.. ఏకగ్రీవాలే లక్ష్యం.. మంత్రులకు కీలక ఆదేశాలు
- AP ZPTC Elections: ఎమ్మిగనూరులో కలకలం.. చెత్తకుప్పలో బ్యాలెట్ పేపర్లు.. రీకౌంటింగ్కు డిమాండ్
కైలాసగిరి.. కొండల మధ్య స్కై సైక్లింగ్, జిప్ లైనర్
సముద్ర మట్టానికి వందల అడుగుల ఎత్తులో ఉండే కైలాసగిరిపై విఎంఆర్డిఏ (VMRDA) పర్యాటకుల కోసం సరికొత్త సాహసాలను ప్రవేశపెట్టింది. రెండు కొండల మధ్య ఏర్పాటు చేసిన జిప్ లైనర్ ద్వారా ఒక కొండ నుండి మరో కొండకు తాడు సహాయంతో వేగంగా దూసుకెళ్లడం పర్యాటకులలో థ్రిల్ను పెంచుతోంది. దీనికి తోడు, వందల అడుగుల ఎత్తులో కేవలం ఒక చిన్న తీగ (వైర్) పై సైకిల్ తొక్కే ‘స్కై సైక్లింగ్’ ఇక్కడ ప్రత్యేక ఆకర్షణగా నిలిచింది. గాల్లో తేలుతూ సైకిల్ తొక్కుతున్న ఫీలింగ్ పర్యాటకులను ఎంతగానో ఆకట్టుకుంటోంది.
కాంటిలివర్ గ్లాస్ స్కై వాక్.. గాల్లో నడుస్తున్న అనుభూతి
కైలాసగిరి కొండపై పర్యాటకులను అత్యంతంగా ఆకర్షిస్తున్న మరో అద్భుతమైన నిర్మాణం ‘కాంటిలివర్ గ్లాస్ స్కై వాక్’. కొండ చివరన లోయ వైపునకు ముందుకు పొడుచుకు వచ్చినట్లు ఉండే ఈ గాజు వంతెనపై నడుస్తుంటే కింద ఉన్న అగాధం, ఎదురుగా ఉన్న అనంతమైన సముద్రం కనిపిస్తూ గుండెల్లో రైళ్లు పరిగెత్తిస్తాయి. ఈ గ్లాస్ వాక్పై నడుస్తూ ఫొటోలు దిగడానికి పర్యాటకులు ఎగబడుతున్నారు.
ఇలా ప్రకృతి అందాలతో పాటు సరికొత్త అంతర్జాతీయ స్థాయి సాహస క్రీడలను ప్రోత్సహిస్తూ విశాఖ నగరం పర్యాటక రంగంలో దూసుకుపోతోంది. మీ వీకెండ్, హాలిడేస్ లో ఒక క్రేజీ అడ్వెంచర్ ఎక్స్పీరియన్స్ కావాలనుకుంటే వైజాగ్ లోని ఈ ప్రాంతాలను విజిట్ చేయడం అస్సలు మిస్ అవ్వకండి..
తాజావార్తలు
-
Koti Deepotsavam 2026 : మీనాక్షి సుందరేశ్వరుల కల్యాణంతో కోటి దీపోత్సవంలో భక్తి పారవశ్యం.!
-
Sharwa : డబ్బులు పెట్టి వ్యూస్ కొనుక్కునే స్థితిలో మేము లేము.. ‘భోగి’ వేదికపై శర్వానంద్ సంచలన వ్యాఖ్యలు!
-
Kartik Purnima 2026: కార్తీక పౌర్ణమి నాడు చంద్రుడికి అర్ఘ్యం.. సరైన టైమ్ ఇదే.!
-
Dimple Hayathi: ఇప్పటిదాకా నన్ను గ్లామర్ డాల్గానే చూశారు.. ఆ పాత్ర కోసం అన్నీ వదిలేశా!
-
Sampath Nandi: శర్వానంద్కు నేషనల్ అవార్డు రాకపోతే అడగండి
ట్రెండింగ్
-
Store Fresh Coconut: కొబ్బరికాయ కొట్టాక త్వరగా పాడవుతోందా?.. ఈ టిప్స్ ట్రై చేయండి.!
-
Agniveers: కీలక నిర్ణయం తీసుకున్న కేంద్ర ప్రభుత్వం.. అగ్నివీరులకు భారీ ఊరట..
-
NASA Astronaut Video: అంతరిక్షంలో నీటి బిందువుల విన్యాసం.. వెనుక ఉన్న అసలు సైన్స్ ఇదే..
-
Yuvraj Singh: పంత్ విధ్వంసానికి యువరాజ్ ఫిదా.. బ్యాట్తోనే సమాధానమిచ్చావంటూ ప్రశంసలు!
-
Vegetable Biryani Recipe: ఇంట్లోనే రెస్టారెంట్ రుచి.. తెల్లగా, మెతుకు మెతుకు విడివిడిగా ఉండే ‘వెజిటబుల్ బిర్యానీ’ ఇలా చేసేయండి..!