YS Jagan Former CPRO Srihari Arrested: వైఎస్‌ జగన్‌ మాజీ సీపీఆర్‌వో శ్రీహరి అరెస్ట్..

YS Jagan Former CPRO Srihari Arrested: వైఎస్‌ఆర్‌ కాంగ్రెస్‌ పార్టీ అధినేత, ఆంధ్రప్రదేశ్‌ మాజీ ముఖ్యమంత్రి వైఎస్‌ జగన్మోహన్‌ రెడ్డి మాజీ సీపీఆర్‌వో శ్రీహరిని పోలీసులు అరెస్ట్ చేశారు. సోషల్ మీడియాలో ముఖ్యమంత్రి నారా చంద్రబాబు నాయుడుపై అనుచిత పోస్టులు పెట్టినట్లు వచ్చిన ఫిర్యాదుల మేరకు చిత్తూరు పోలీసులు ఈ చర్యలు తీసుకున్నారు. ‘రక్త చరిత్ర’ పేరుతో సీఎం చంద్రబాబు నాయుడు చేతుల్లో కత్తులు ఉన్నట్లుగా ఫొటోలను మార్ఫింగ్ చేసి సోషల్ మీడియాలో వైరల్ చేసినట్లు శ్రీహరిపై ఆరోపణలు ఉన్నాయి. ​ఈ వ్యవహారంపై చిత్తూరు పోలీస్ స్టేషన్‌లో పలు సెక్షన్ల కింద కేసు నమోదు చేశారు. సాంకేతిక ఆధారాల సాయంతో శ్రీహరిని గుర్తించిన పోలీసులు, ఆయన్ను అదుపులోకి తీసుకున్నారు. ప్రస్తుతం వైఎస్‌ఆర్‌ కాంగ్రెస్‌ పార్టీ మీడియా కార్యదర్శిగా ఉన్న శ్రీహరి.. వైఎస్‌ జగన్మోహన్‌ రెడ్డి.. ముఖ్యమంత్రిగా ఉన్న సమయంలో.. ఆయనకు సీపీఆర్‌వోగా వ్యవహరించారు.. ప్రస్తుతం విజయవాడ లో శ్రీహరిని అదుపులోకి తీసుకున్న పోలీసులు చిత్తూరుకు తరలిస్తున్నారు…