ఏ కూరలోనైనా టమాటా ఉండాల్సిందే.. ఉల్లి గడ్డతో పాటు టమాటాకు కూడా ప్రాధాన్యం ఉంటుంది.. అయితే, టమాటా ధర ఇప్పుడు సామాన్యులకు చుక్కలు చూపిస్తోంది.. గత నెలలో గరిష్ఠంగా కిలో 30 రూపాయలు పలికిన టమాటా ధర.. బహిరంగ మార్కెట్‌లో 40 రూపాయల వరకు అమ్ముడు పోయింది.. అయితే, వర్షాలతో టమాటా పంట దెబ్బతినడంతో.. మార్కెట్‌కు వచ్చే పంట కూడా తగ్గిపోయింది.. దీంతో టమాటా ధర క్రమంగా పైపైకి కదులుతోంది..
Read Also: తన జన్మదిన వేడుకల్లో ప్రసంగిస్తూ ప్రాణాలు విడిచిన స్వామీజీ..
చిత్తూరు జిల్లా మదనపల్లె వ్యవసాయ మార్కెట్ కిలో టమాటా ఏకంగా రూ. 100గా పలికింది.. 28 కిలోలు ఉండే క్రేట్ మార్కెట్‌లో గరిష్ఠంగా రూ. 2,800 పలికిందని.. ఈ లెక్కన కిలో టమాటా రూ.100 పలికినట్టే.. అయితే, మదనపల్లె మార్కెట్‌లోనే ఇలా ఉంటే.. ఇక, బహిరంగ మార్కెట్‌లో టమాటా ధర మరింత ఎక్కువగానే ఉంటుందని వ్యాపారులు చెబుతున్నారు.. వరుసగా కురుస్తున్న వర్షాలతో పంట నష్టపోయిన రైతులు ఇబ్బంది పడుతుండగా.. టమాటా వేసిన రైతులు మాత్రం ఆనందం వ్యక్తం చేస్తున్నారు.. వేసిన పంటలో చాలా వరకు పాడైనా.. మిగిలిన పంటతోనైనా గట్టెక్కే అవకాశం ఉందంటున్నారు.
